Исай 37:29 - Коми Библия 2023

²⁹ Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Исай 37:29 Referans Kwoze

Езекиль 38:4

Ме пысала вугыр вомкӧтшад, бергӧда да кыска тэнӧ да став тышкайӧзтӧ вӧвъяснас. Верзьӧмаясыд да мукӧд тышкайӧзыд пасьтасьӧмаӧсь тышкасян кӧлуйӧ, найӧ петасны шыпуртъясӧн, ыджыд да ичӧт сайӧдъясӧн.

Исай 37:34

Сійӧ бӧр мунас сійӧ туйӧдыс, кыті локтіс, тайӧ карас сійӧ оз пыр, – висьталӧ Господь. –

Исай 30:28

Сылӧн ловшыыс ойдӧм ва кодь, мый кыпӧдчӧ голя помӧдз. Господь кутас пожнавны войтыръясӧс, медым бырӧдны найӧс, Сійӧ кӧртвомалас найӧс, медым бокӧ кежӧдны найӧс туй вылысь.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Езекиль 29:4

Но Ме тэнад вомкӧтшӧ ыджыд вугыр пысала. Тэнад юысь черисӧ Ме ляска кучик бердад и перъя тэнӧ юсьыд тайӧ чериыскӧд.

Ап. уджъяс 22:22

Тайӧ кывъясӧдз кывзісны Павелӧс, сэсся пондісны горзыны: «Татшӧмсӧ колӧ бырӧдны му вывсьыс! Сійӧс оз позь ловйӧн кольны!»

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Матвей 27:24

Пилат аддзис: йӧзыс оз лӧньны, мӧдарӧ, ёнджыка на шызьӧны. Сэки налӧн син водзын Пилат мыськис кисӧ да шуис: «Ме абу мыжа тайӧ веськыда олысь мортсӧ виӧмысь. Видзӧдӧй асьныд».

Амос 4:2

Господь Ыджыдыс кыв сетіс, Аслас вежалунӧн кӧсйысис, мый воасны лунъяс, кор тіянӧс вугырӧ пысалӧмӧн нуӧдасны, дзик ставнытӧ кыйӧм чериӧс моз кыскасны.

Исай 37:10

висьтавны иудаса Езекей ӧксылы: «Тэнад Енмыд, код вылӧ тэ лача кутан, ылӧдлӧ тэнӧ, кор шуӧ, мый Ерусалимӧс оз ло сетӧма ассурса ӧксы киӧ.

Исай 36:10

Ме ӧд Господьлӧн кӧсйӧм серти локті татчӧ, медым бырӧдны тайӧ мусӧ. Господь Ачыс шуис меным: ”Мун да бырӧд сійӧ мусӧ”».

Исай 36:4

Ассурса ӧксылӧн эскана морт шуис налы: «Висьталӧй Езекейлы, мый ассурса ыджыд ӧксы тадзи шуӧ: ”Мый вылӧ тэ лача кутан?

Псалтыр 83:2

Кутшӧм мичаӧсь Тэнад оланінъясыд, Господь Саваоф!

Псалтыр 74:4

Муыс да сы вылын став олысьыс сыркмунласны, но Ме зумыда кута муыслысь сюръяяссӧ.

Псалтыр 46:6

Гажӧдчан шы улӧ Господь Ен пуксис юралан пуклӧсӧ, буксан шы улӧ Сійӧ пуксис юравны.

Псалтыр 32:9

Ӧд мый Сійӧ шуис, тайӧ лоис, мый Сійӧ тшӧктіс, тайӧ артмис.

Иов 41:2

Весиг збой морт оз кут скӧрмӧдны сійӧс. Сідзкӧ, коді нӧ вермас сулавны Менам чужӧмбан водзын?

Исай 37:7

Ме ыста ассурса ӧксы пытшкӧ сэтшӧм лов, мый юӧр кылӧм бӧрти сійӧ бӧр бергӧдчас аслас муӧ. Сэні Ме вӧча сідзи, мый сійӧ кулас шыпурт помысь”».

Езекиль 35:13

Ті вылӧ кыпӧдінныд асьнытӧ Ме водзын, ышнясьӧмӧн сёрнитінныд Меным паныд. Ме ставсӧ тайӧс кывлі.