Исай 35:8 - Коми Библия 2023

⁸ Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 35:8 Referans Kwoze

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

Еремей 31:21

Сувтӧд туй бокад изъяс, сувтӧд аслыд пасъяс, медым эн вунӧд ветлан туйтӧ. Бергӧдчы, Израиль ныв, бергӧдчы аслад каръясӧ.

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Езекиль 44:9

Господь Ыджыдыс тадзи висьталӧ: йӧз муысь локтысьяслы, кодъяс олӧны Израиль войтыр пӧвстын, сьӧлӧмнас да вир-яйнас вундыштчытӧмъяслы, оз позь пырны Менам вежаинӧ.

1 Фессалоникаӧ 4:7

Енмыс корис миянӧс овны вежа оласногӧн, а эз пеж оласногӧн.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Исай 62:10

Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!

Исай 57:14

Господь шуас: – Дасьтӧй, дасьтӧй, шыльӧдӧй туйсӧ, Менам войтырлӧн туй вылысь вештӧй ставсӧ, мыйӧ найӧ вермасны крукасьны.

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Шусьӧгъяс 8:20

Ме ветла веськыдлуныслӧн туйӧд, веськыда вӧчӧмыслӧн ордымӧд,

Псалтыр 23:4

Сӧмын сійӧ, кодлӧн киыс мыжтӧм да сьӧлӧмыс сӧстӧм, коді кывсӧ оз сет весьшӧрӧ, оз ылӧдлы [ассьыс матыссасӧ] Господь нимӧн.

Псалтыр 19:7

Ӧні ме тӧда, мый Господь мездӧ Ассьыс мавтыштӧмасӧ, вочавидзӧ сылы Аслас вежа енэжсянь, мездӧ сійӧс вына веськыд кинас.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

2 Петыр 3:13

Но Енлӧн кӧсйысьӧмыс серти ми виччысям выль енэж да выль му, кӧні кутас ыджыдавны веськыдлун.

Езекиль 43:12

Со, крам йылысь индӧдыс: керӧс вылын крамлы торйӧдӧм муыс ставнас вежасьыс-вежа. Тайӧ – крам йылысь индӧд».

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Исай 52:1

Садьмы, Сион, чеччы, вевттьысь аслад вынӧн! Ерусалим, вежа кар, пасьтав ассьыд дзирдлуна паськӧмтӧ! Тэнад туйяс вывті оз нин кут ветлыны вундыштчытӧм да пеж оласнога.

Исай 33:8

Туйяс кушмисны, ветлысь-мунысьыс абу. Сёрнитчӧм торкӧма, каръяс кисьтӧма, йӧзсӧ увтыртӧма.

Исай 19:23

Сійӧ лунӧ Египетсянь Ассурӧ воссяс ыджыд туй. Ассурса кутасны волывлыны Египетӧ, а египетса – Ассурӧ. Найӧ ӧтвыв кутасны кесъявны Господьлы.

Исай 11:16

Сэні лоӧ Ассурысь петан паськыд туй Господьлӧн коляс войтырлы, кыдзи вӧлі Израиль войтырлы Египетысь петігӧн.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

1 Петыр 1:16

Гижӧма: «Лоӧй вежаӧсь, ӧд Ме вежа».

Псалтыр 118:20

Менам сьӧлӧмӧй ёна гажтӧмтчӧ, ме быд кадӧ виччыся Тэнсьыд веськыда мыждӧмтӧ.

Шусьӧгъяс 16:17

Веськыда олысьлӧн туйыс кежӧ лёксьыс, аслас туй бӧрся видзӧдысь олӧмсӧ видзас.

Исай 51:10

Эз-ӧ Господьлӧн киыс косьты саридзсӧ, пыдӧстӧм васӧ, эз-ӧ вӧч саридз пыдӧссӧ кос туйӧн, кыті мунісны мездмӧмаяс?

Левит 26:6

Тіян муӧ Ме вая лӧнь олӧм. Воданныд узьны, и тіянӧс некод оз повзьӧд. Тіян муысь Ме ылыста зверъясӧс, сэні оз лоны тышъяс.

Шусьӧгъяс 9:4

«Коді мывкыдтӧм, лок ме ордӧ!» Гӧгӧрвотӧм йӧзлы тшӧктіс шуны:

Исай 43:19

Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Исай 62:12

Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.