Исай 34:16 - Коми Библия 2023

¹⁶ Корсьӧй Господьлӧн небӧгысь да лыддьӧй: став тайӧ пемӧсыс локтас сэтчӧ, ставныс кыкӧн-кыкӧн. Ӧд Господь Аслас вомӧн тшӧктіс налы тадзи вӧчны, Сылӧн Лолыс чукӧртас найӧс сэтчӧ.

Исай 34:16 Referans Kwoze

Псалтыр 33:9

Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.

Нав Исус 1:8

Тайӧ Индӧд небӧгысь кывъясыс мед пыр лоӧны тэнад вомын. Лун и вой велӧдчы, медым ставсӧ вӧчны стӧча, мый сэні гижӧма. Сэки тэнад ставыс артмас.

Матвей 5:18

Веськыда висьтала тіянлы: енэжыс да муыс быртӧдз, ставыс збыльмытӧдз весиг ӧти шыпас, ӧти чуттор оз вош Индӧдысь.

Псалтыр 33:6

Сы вылӧ видзӧдысьяслӧн чужӧмныс югдӧ, найӧ некор оз янавны.

Исай 30:8

Ӧні мун да гиж тайӧс пӧв вылӧ, гиж тайӧс налы небӧгӧ, медым тайӧ гижӧдыс коляс локтана кад кежлӧ, лоӧ пыр да олас нэмъяс чӧж.

Иоан 10:35

Гижӧдыс оз вежсьы. Енмыс кӧ шуис енъясӧн найӧс, кодъяслы сетіс Ассьыс кывсӧ,

Шусьӧгъяс 23:12

Ассьыд сьӧлӧмтӧ велӧдӧмлань бергӧд, ассьыд пельтӧ тӧдӧмлунлань чошкӧд.

Лука 21:33

Енэжыс да муыс бырас, а Менам кывъясӧй оз бырны.

Малакий 3:16

Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Даниил 10:21

И тайӧ тышас некод оз отсав меным Микаил, тіян юралысь анделныд, кындзи. Но ме висьтала тэныд, мый гижӧма Збыльыслӧн небӧгас.

Исай 58:14

сэки Господь лоас тэнад олан гажӧн! Ме нуӧда тэнӧ муыслӧн выліинъясӧд, верда тэнӧ Яков батьыдлӧн му вылын быдмӧм няньӧн. Тадзи висьталӧ Господь.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.

Исай 1:20

А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь.

Олӧм 6:17

Ме ойдӧда мусӧ, тадзи бырӧда енэж улысь став ловъя олысьсӧ. Му вылын ставыс кулас.

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

Индӧд 31:21

Кор Израиль войтырӧс суасны шогъяс да сьӧкыдлунъяс, сэки тайӧ сьыланкывйыс петкӧдлас, мый найӧ мыжаӧсь. [Найӧ да] насянь чужысьяс мед оз вунӧдны тайӧ сьыланкывсӧ. Ме тӧда Израиль войтырлысь мӧвпъяссӧ, кӧть Ме эг на вайӧд найӧс сійӧ [бур] муас, мый йылысь кыв сеті [налӧн батьяслы]».

Исай 14:31

Сыркъялӧмӧн бӧрдӧй дзиръя дорын, ырзӧмӧн бӧрдӧй, карын олысьяс! Филистим му, тэ ставнас киссян! Войвывсянь кыптӧ тшын – локтӧны тышкайӧз, и некод на пиысь оз кольччы.

Исай 40:5

Сэки тыдовтчас Господьлӧн дзирдлуныс, и ставӧн аддзасны, мый Господь висьталіс.

Исай 40:26

Лэптӧй синнытӧ вывлань да видзӧдлӧй: коді ставсӧ тайӧс вӧчис? Сійӧ, коді вӧчис енэжвывса югзьӧданторъяс, тӧдӧ налысь лыдсӧ, ставнысӧ шуӧ нимнас. Найӧ ставныс ӧтитӧг мыччысьӧны – татшӧм ыджыд Сылӧн выныс да вынйӧрыс!

Исай 21:17

Кедарса тышкасьысьяслӧн, ньӧввужйысь лыйсьысьяслӧн лыдыс кольӧ зэв этша». Тадзи висьталӧ Господь, Израильлӧн Ен.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –