Исай 34:1 - Коми Библия 2023

¹ Матыстчӧй, войтыръяс, да кывзӧй, сюся кывзӧй, чужанкотыръяс! Мед кывзас муыс да ставыс, мый сэні эм, мед кывзас муюгыдыс да став сэні чужысьыс.

Исай 34:1 Referans Kwoze

1 Коринфӧ 10:26

Муыс да ставыс, мый сэні эм – Господьлӧн.

Исай 43:9

Став войтыръясыс мед чукӧртчасны ӧтлаӧ. Коді на пӧвстысь водзвыв юӧртіс, мый ӧні лоӧ, коді водзвыв висьталіс сійӧ, мый вӧлі нин? Мед найӧ вайӧдасны аддзылысьясӧс висьтавны, мый налӧн водзвыв юӧртӧмыс веськыд, медым кывзысьяс шуасны: «Тайӧ збыль!»

Исай 41:1

– Чӧв олӧй, кывзӧй Менӧ, саридз дорын олысьяс! Войтыръяс мед бара на ёнмӧдчасны, найӧ мед матыстчасны да шуасны: «Чукӧртчамӧй ёрд водзӧ».

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Еремей 22:29

– Иуда му да сэні олысьяс, кывзӧй Господьлысь кывсӧ!

Исай 33:13

Ыліын олысьяс, кывзӧй Менам уджъяс йылысь! Матіын олысьяс, тӧдмалӧй Менсьым вынӧс!

Индӧд 32:1

– Кывзы, енэжыс, мый ме висьтала, кывзы, муыс, менсьым кывъясӧс.

Восьтӧм 2:7

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны вотӧс Олӧмыслӧн пуысь, коді сулалӧ Енлӧн рай шӧрын».

Исай 49:1

Кывзӧй менӧ, саридз дорын олысьяс, сюся кывзӧй, ылысса войтыръяс! Господь чукӧстіс менӧ чужтӧдз на, мам кынӧмын на сетіс меным ним.

Исай 18:3

Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Псалтыр 96:10

Господьӧс радейтысьяс, мустӧмтӧй лёксӧ! Сійӧ видзӧ Аслас эскана войтырлысь олӧмсӧ, мездӧ найӧс лёк вӧчысьяслӧн киысь.

Псалтыр 50:1

Сьылысьясӧн веськӧдлысьлы. Давидлӧн псалом.

Псалтыр 24:1

Давидлӧн псалом. Господьӧй, Тэлань веськӧда сьӧлӧмӧс.

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.

Ёрдысьяс 5:3

Ӧксыяс, кывзӧй! Юралысьяс, кывзӧй! Ме кута сьывны Господьлы, кута ошкыны Господьӧс, Израильлысь Енсӧ!

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Олӧм 6:13

[Господь] Ен шуис Нойлы: «Ме бырӧда став йӧзсӧ, ӧд муыс на вӧсна тырӧма виалӧм-дзескӧдӧмӧн. Ме дзикӧдз бырӧда найӧс му вылысь.

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Езекиль 38:17

Господь Ыджыдыс тадзи висьталӧ: Гог, тэ йылысь Ме важӧн висьтавлі Аслам кесйӧгъяслы, израильса пророкъяслы. Найӧ уна во чӧж пророкалісны, мый Ме вайӧда тэнӧ Израиль войтырлы паныд.

Авдий 1:1

Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»

Исай 63:1

– Коді тайӧ Эдомсянь локтысьыс, Восорасянь чим гӧрд паськӧма локтысьыс? Коді Сійӧ, мича паськӧмӧн вӧччӧмаыс, Аслас ыджыд вынӧн локтысьыс? – Тайӧ – Ме, веськыдлунсӧ Юӧртысь, вына Мездысь.

Еремей 49:7

Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?