Исай 33:8 - Коми Библия 2023

⁸ Туйяс кушмисны, ветлысь-мунысьыс абу. Сёрнитчӧм торкӧма, каръяс кисьтӧма, йӧзсӧ увтыртӧма.

Исай 33:8 Referans Kwoze

Ёрдысьяс 5:6

Анатлӧн Шамгар пиыслӧн олігӧн, Яэльлӧн олан лунъясӧ туйяс вӧліны кушӧсь, йӧзыс корсисны кытшола туйяс.

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Исай 36:1

Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс.

Псалтыр 10:5

Господь тӧдмалӧ веськыда олысьӧс, а лёк вӧчысьӧс да виалӧм-дзескӧдӧмсӧ радейтысьӧс Сійӧ мустӧмтӧ.

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 17:10

Филистимса вермасьысь ӧтарӧ увтыртіс: «Талун ме янӧда израильса тышкайӧзӧс. Мед локтас морт, и ме вермася сыкӧд».

Ёрдысьяс 19:17

Пӧрысь морт аддзис карса изэрд вылысь локтысьӧс да юаліс: «Кытысь воин да кытчӧ мунан?»

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.