21 Сэні Господь лоӧ миянлы визув ваӧн да паськыд юӧн. Сэті оз кут кывтны вӧрӧглӧн пыж, оз кут кывтны ыджыд корабль.
Степан шуис: «Вокъясӧй да батьясӧй, кывзӧй! Дзирдлуныслӧн Ен петкӧдчыліс Ӧвраам батьнымлы Месопотамияын, Харанӧ мунтӧдзыс на.
Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.
Тэ кӧ олін Менам тшӧктӧмъясӧй серти, сэки эськӧ тэнад лӧньлуныд ю моз визувтіс, веськыдлуныд саридзвыв гыяс кодь вӧлі,
Ме вӧча тадзи: изъя керӧсъяссянь визувтасны юяс, ковтысъясын воссясны ва петанінъяс. Кушин Ме вӧча тыӧн, кос му – ва петанінӧн.
Господьӧй, менам Енмӧй, ме шыаси Тэ дінӧ, и Тэ бурдӧдін менӧ.
Аслад синмӧн тэ аддзан Ӧксыӧс став сылӧн мичлуннас, тэ аддзан ылӧдз нюжӧдчӧм му.
Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.
Шакалъяс да страусъяс пондасны ошкыны Менӧ, ӧд овтӧминын Ме сета ва, кушинын лӧсьӧда юяс, медым юктӧдны Ассьым бӧрйӧм войтырӧс.
Яковлӧн шогыс абу, Израильлӧн ставыс бур. Господь, налӧн Енмыс, накӧд, ӧксыӧс моз найӧ паныдалӧны Сійӧс.
«Кесйӧгӧс, коді пышйис аслас ыджыдыс дорысь тіян дінӧ, ыджыдыслы энӧ сетӧй.
Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».
Регыд Ме лэпта киӧс тіянӧс куштысь войтыръяс вылӧ, и налӧн жӧ кесйӧгъясыс куштасны найӧс. Сэки ті тӧдмаланныд, мый Господь Саваоф мӧдӧдіс менӧ.