Исай 33:2 - Коми Библия 2023

² Господьӧй, ло бур сьӧлӧма миян дінӧ! Тэ вылӧ ми лача кутам. Водз асывсянь ло миянлы Дорйысьӧн, сьӧкыд кадӧ ло миянлы Мездысьӧн!

Исай 33:2 Referans Kwoze

Исай 59:16

Сійӧ аддзис, мый абу мортыс, шензис, мый абу дорйысьыс. Сійӧ вермис Аслас киӧн, Сылӧн веськыдлуныс лои Сылы отсӧгӧн.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Псалтыр 62:8

Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.

Псалтыр 62:1

Давидлӧн псалом. Сійӧ лӧсьӧдіс тайӧс Иуда овтӧминын олігӧн.

Псалтыр 46:1

Сьылысьясӧн веськӧдлысьлы. Корей пиянлӧн псалом.

Петӧм 14:27

Мӧисей нюжӧдіс кисӧ саридзлань, и асъядорыс ваыс бӧр кутіс визувтны важ мозыс. Египетсаяс пышйисны ва паныдыс. Тадзи Господь вӧйтіс саридз шӧрӧ египетсаӧс.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Бӧрданкыв 3:23

Господьлӧн буралӧмыс быд асыв выльмӧ, Сійӧ – эскана Ен.

Еремей 14:8

Тэ – Израильлӧн лачаыс, сьӧкыд кадӧ сійӧс Мездысьыс. Мыйла Тэ тайӧ муас йӧз муысь локтысь кодь, войсӧ коллявны сувтлысь кодь?

Исай 40:10

Со, ыджыд вынӧн локтӧ Господь Ыджыдыс, Сійӧ веськӧдлӧ вына кинас. Сыкӧд ставыс, мый Сійӧ шедӧдіс, Сылӧн син водзын ставыс, мый Сійӧ Аслыс босьтіс.

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Исай 25:4

Тэ дорйин гӧльясӧс, видзин коньӧръясӧс налӧн сьӧкыд кадӧ. Тэ вӧлін сайӧдчанінӧн ыджыд тӧвнырысь, вуджӧрӧн – шонді пӧжӧмысь. Ӧд дзескӧдысьяслӧн ловшыныс стенлы паныд пӧльтысь тӧвныр кодь.

Псалтыр 123:2

эз кӧ Господь вӧв миян дор, кор йӧзыс кыпӧдчисны миянлы паныд,

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Псалтыр 90:15

Сійӧ шыасяс Ме дінӧ, и Ме вочавидза сылы. Ме лоа сыкӧд сьӧкыд нуигас, мезда сійӧс да нимӧда сійӧс.

Псалтыр 62:5

Кута ошкыны Тэнӧ, кытчӧдз ме ловъя, Тэ дінӧ шыасьӧмӧн кыпӧда ассьым киӧс.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 46:5

Сійӧ бӧрйис да вичмӧдіс миянлы му, тайӧ мунас ошйысис Сылӧн муса Яков.

Псалтыр 25:3

Тэнсьыд буралӧмтӧ ме пыр кута тӧд вылын, ме ветлӧдла Тэнад збыль туйӧд.

Псалтыр 143:8

Налӧн вомысь петӧ ылӧгыс, кинысӧ лэптӧмӧн найӧ ылӧг кыв сетӧны.

Псалтыр 27:1

Давидлӧн псалом. Господьӧй, ме шыася Тэ дінӧ, Тэ менам Дорйысьӧй. Кор шыася Тэ дінӧ, эн чӧв ов. Тэ кӧ кутан чӧв овны, ме кула.

Исай 17:10

Ӧд тэ вунӧдін Ентӧ, ассьыд Мездысьтӧ, он казьтыв тэнӧ сайӧдысь Изкырта йылысь. Тэ пуктін мича быдмӧгъяс аслад идолъяслы, вужйӧдін йӧз виноград вожъяс.

Исай 37:3

Езекей тшӧктіс висьтавны Исайлы: «Тайӧ луныс – шогалан да мыждан-янӧдан лун. Чужысь кага дась нин петны мам кынӧмысь, но мамлӧн абу выныс чужтынысӧ.

Исай 51:5

Менам веськыдлунӧй матын, Месянь мездмӧмыс регыд нин воас, Менам киӧй мыждас войтыръясӧс. Саридз дорын олысьяс виччысьӧны Месянь отсӧг, лача кутӧны Менам вынӧй вылӧ.

Псалтыр 33:22

Мыж вӧчысьӧс виас лёкыс. Коді мустӧмтӧ веськыда олысьӧс, сійӧс лоӧ мыждӧма.

Исай 8:17

Ме виччыся Господьӧс, кӧть Сійӧ тупкис Ассьыс чужӧмбансӧ Яковлӧн рӧдысь. Господь вылӧ ме лача кута!