Исай 33:14 - Коми Библия 2023

¹⁴ Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Исай 33:14 Referans Kwoze

Еврейяслы 12:29

ӧд миян Енным – ставсӧ сотысь би.

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.

Матвей 25:41

Сэсся шуйгаладорын сулалысьяслы Сійӧ шуас: ”Вешйӧй Ме дінысь, ёрӧмаяс. Мунӧй омӧльыслы да сылӧн анделъяслы дасьтӧм куслытӧм биӧ.

Матвей 18:8

Ки-кокыд кӧ ыштӧдӧ тэнӧ, керышт да шыбит сійӧс. Бурджык пырны помтӧм олӧмӧ ки пӧлаӧн либӧ кок пӧлаӧн куслытӧм биӧ тэнӧ киа-кокаӧн шыбитӧм дорысь.

Исай 66:24

Найӧ петасны да аддзасны шойяссӧ налысь, кодъяс кыпӧдчисны Меным паныд. Найӧс сёйысь номырыс оз кувлы, найӧс сотысь биыс оз куслы. Найӧ лоӧны зывӧкторйӧн став йӧзыслы.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Иов 18:11

Повзьӧданторъяс кытшаласны сійӧс, вӧтчасны сы бӧрся.

Матвей 24:51

Сійӧ кералас кесйӧгсӧ да шыбитас сійӧс кык бана шаньгаяс дінӧ. Сэні лоӧ бӧрдӧм да пинь йирӧм».

Матвей 22:12

Ӧксы юалас сылысь: ”Ёртӧй, кыдзи тэ пырин татчӧ кӧлысь паськӧмтӧгыс?” Сійӧ кыв оз шу.

Исай 34:9

Эдомлӧн юясыс лоӧны сирӧн, му веркӧсыс лоӧ тэгйӧн, муыс ставнас лоӧ сотчысь сирӧн.

Исай 32:11

Полӧй-тіралӧй, тӧждысьтӧмъяс, дзӧрмӧн тіралӧй, шог тӧдтӧмъяс! Пӧрччӧй паськӧмнытӧ, пасьталӧй шогалан паськӧм!

Исай 29:6

Господь Саваоф локтас тэ дінӧ гым да му вӧрӧм моз, ыджыд шыа бушков да гартчан тӧвныр моз, ставсӧ сотысь би моз.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 9:17

Господь оз нимкодясь налӧн том йӧз вӧсна, налӧн батьтӧм-мамтӧм челядь дінӧ да дӧваяс дінӧ Сійӧ оз бурав, ӧд найӧ ставныс ылӧдчысьяс да лёк вӧчысьяс, налӧн вомысь петӧ сӧмын пеж сёрни. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 7:2

Кор ӧксы керкаын кылісны, мый арамейяс локтӧмаӧсь нин Ефрем муӧ, сэки Ахазлӧн да став войтырыслӧн сьӧлӧмныс вӧрзис, кыдзи вӧрын тӧвнырысь вӧрӧны пуяс.

Исай 5:24

Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

Псалтыр 53:5

Локтысь йӧз кыпӧдчисны меным паныд, лёк вӧчысьяс корсьӧны босьтны менсьым олӧмӧс, Енсӧ найӧ нинӧм туйӧ пуктӧны.

Псалтыр 50:3

Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.

Псалтыр 21:9

«Сійӧ лача кутіс Господь вылӧ. Шогмана кӧ сійӧ Господьлы, мед доръяс да мездас сійӧс».

Псалтыр 11:6

Но Господь висьталӧ: «Ме сувта, медым мездыны коньӧръясӧс дзескӧдӧмысь, медым отсавны гӧльяслы налӧн шог дырйи. Доръя сійӧс, кодӧс кӧсйӧны кыйны».

Индӧд 4:24

Ӧд Господь, тіян Енныд, ставсӧ сотысь би. Сійӧ – вежӧгтысь Ен!

Исай 1:28

Паныд кыпӧдчысьясӧс да мыж вӧчысьясӧс виччысьӧ кулӧм, Господьӧс эновтысьясӧс – бырӧдӧм.

Исай 9:18

Налӧн лёк вӧчӧмыс ыпъялӧ би моз, ньылалӧ йӧн да ёг турун, сотӧ ставнас вӧрсӧ, и сэтысь сюръя моз кыптӧ сьӧд тшын.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Исай 10:16

Та вӧсна Ыджыдыс, Господь Саваоф, жебмӧдас ӧксылысь вынйӧра йӧзсӧ да бипурын моз сотас сылысь нималӧмсӧ.

Исай 47:14

Но найӧ идзас кодьӧсь, биыс сотас найӧс, найӧ оз вермыны видзны асьнысӧ ыпъялан биысь. Наысь весиг ӧгыр оз коль, медым шонтысьыштны. Наысь он песты бипур, медым сы дорын пукалыштны.

Амос 9:10

Шыпурт помысь куласны Менам войтыр пӧвстысь став мыжа йӧзыс, кодъяс шуӧны: «Оз су миянӧс лёкыс, оз во сійӧ миянӧдз!»

Малакий 3:2

Коді вермас ловйӧн кольны Сылӧн локтігӧн? Коді вермас сулавны Сылӧн петкӧдчигӧн? Зарни сывдысь моз Сійӧ весалӧ биӧн, песласьысь моз – кунваӧн.