Исай 30:5 - Коми Библия 2023

⁵ Но найӧ ставныс яналасны, ӧд египетсаяс нинӧмӧн оз вермыны налы отсавны, оз вермыны отсӧг сетны. Найӧс виччысьӧ янӧдӧм да юръяндзим.

Исай 30:5 Referans Kwoze

Еремей 2:36

Мыйла тэ дугдывтӧг шӧйтан, ӧтарӧ-мӧдарӧ вежлалан ассьыд туйтӧ? Ассур моз Египет янӧдас тэнӧ.

Исай 30:7

Египетсянь отсӧгыс весьшӧрӧ, сійӧ нинӧм дон оз сулав. Та вӧсна Ме нимті Египетӧс лӧня пукалысь Рахавӧн.

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Исай 36:6

Тэ лача кутан Египет вылӧ, тайӧ чегӧм беддьыс вылӧ. Но мыджсяс кӧ кодкӧ сы вылӧ, сійӧ сатшас сылы ки пыдӧсас да ки пырыс петас. Тадзи фараон, египетса ӧксы, вӧчӧ быдӧнкӧд, коді сы вылӧ лача кутӧ.