Исай 3:9 - Коми Библия 2023

⁹ Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Исай 3:9 Referans Kwoze

Олӧм 13:13

Содомын олысьяс вӧліны зэв лёкӧсь, найӧ уна мыж вӧчисны Господьлы паныд.

Еремей 6:15

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

Езекиль 23:16

Серпас вылӧ видзӧдлӧмысь Оголивалӧн лёкколӧмыс ӧзйис вавилонса айулов дінӧ. Оголива мӧдӧдіс ассьыс йӧзсӧ Калдея муӧ,

Бӧрданкыв 5:16

Юркытшным усис миян юр вылысь. Курыд шог миянлы мыж вӧснаным!

Еремей 3:3

Та вӧсна зэрыс эз вӧв, эз киссьы тувсовъя зэр. Тэнад чужӧмыд кырсалысь аньлӧн кодь, тэ воштӧмыд яндзимтӧ.

Исай 3:16

Господь шуис: сионса нывъяс тшапӧсь, ветлӧдлӧны юрнысӧ чатӧртӧмӧн, ыштӧдӧны видзӧдласнаныс, восьлалӧны дзирнясьӧмӧн, зёльгӧны кокнысӧ мичмӧдан чепъясӧн.

Шусьӧгъяс 30:13

Курыд шог налы, кодъяс асьнысӧ лэптӧны да вылісянь видзӧдӧны.

Шусьӧгъяс 8:36

Меным паныд мыж вӧчысь аслыс лёксӧ вӧчӧ, менӧ мустӧмтысь кулӧмсӧ радейтӧ».

Псалтыр 10:4

Господь олӧ Аслас вежа крамын, Сылӧн юралан пуклӧсыс енэжас. Сылӧн синмыс видзӧдӧ [корысь бӧрся], Сійӧ пыдӧдз тӧдмалӧ мортлысь сьӧлӧмсӧ.

Ӧксыяслӧн 4 небӧг 9:30

Еху локтіс Изреельӧ. Кор Езавель тӧдмаліс став лоӧмтор йывсьыс, мавтіс синсӧ, баситіс-лӧсьӧдіс юрсисӧ да сувтіс видзӧдны ӧшинь дорас.

Ӧксыяслӧн 1 небӧг 15:32

Самуил тшӧктіс вайӧдны сы дінӧ амаликъяслысь Агаг ӧксысӧ. Агаг тіралӧмӧн матыстчис Самуил дінӧ, мӧвпаліс, мый кулӧмыс оз су сійӧс.

Осий 13:9

Тэ ачыд асьтӧ бырӧдан, Израиль, ӧд тэ кыпӧдчин Меным паныд, тэныд отсӧг Сетысьлы паныд.

Даниил 7:20

Ме нӧшта кӧсйи тӧдны дас сюрыс йылысь, кодъяс вӧліны сылӧн юр вылас, да куим усьӧм сюр пыдди быдмӧм сюр йылысь. Тайӧ сюрыс лои мукӧд сюр дорысь ыджыдджык, и сылӧн вӧліны синъяс да ышнясьӧмӧн сёрнитысь вом.

Восьтӧм 11:8

Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.

Олӧм 4:5

Каинӧс да сылысь козинсӧ эз сибӧд. Каин скӧрмис да зумыштчис.

Шусьӧгъяс 15:32

Велӧдӧмсӧ ӧтдортысь аслас олӧмыс вӧсна оз тӧждысь, ӧлӧдӧмсӧ кывзысь вежӧрсялӧ.

Исай 1:10

Содомса юралысьяс, кывзӧй Господьлысь кывсӧ! Гомораын олысьяс, кывзӧй миян Енлысь Индӧдсӧ!

Исай 57:20

Но Ентӧг олысьяс гыалысь саридз кодьӧсь, оз вермыны лӧньнысӧ, гыясыс моз лэптӧны нюйт да няйт.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 8:12

Яндысьтӧг найӧ вӧчӧны зывӧксӧ, нинӧмысь оз повны, весиг оз гӧрдӧдны. Та вӧсна найӧ усясны усьӧмаяс пӧвстӧ, крукасясны, кор Ме мыжда найӧс, – висьталӧ Господь.

Езекиль 16:30

Сьӧлӧмыдлӧн вынтӧмлун вӧсна тэ сетчин кырсалӧмас яндзимсӧ воштӧм ань моз, – висьталӧ Господь Ыджыдыс. –

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Олӧм 19:34

Мӧд луннас ыджыдджык чойыс шуис ичӧтджыкыслы: «Тӧрыт ме узи батькӧд. Тавой сійӧс бара юктӧдам винаӧн, и тэ узян сыкӧд, тадзи батьнымсянь чужтам кага».

Осий 5:5

Израильлӧн вылӧ кыпӧдчӧмыс бергӧдчӧ аслыс паныд. Израиль да Ефрем усясны мыжныс понда, накӧд тшӧтш усяс Иуда.