Исай 29:23 - Коми Библия 2023

²³ Сійӧ аддзас ас дінсьыс став челядьсӧ – Менам киӧн вӧчӧмторъясӧс. Найӧ вежавидзӧмӧн пондасны пыдди пуктыны Менсьым нимӧс, пыдди пуктыны Яковлысь вежа Енсӧ, пондасны вежавидзны Израильлӧн Енмысь.

Исай 29:23 Referans Kwoze

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Исай 19:25

Господь Саваоф бурсиас найӧс тадзи: «Бурсиа Ассьым Египет войтырӧс, бурсиа Аслам киӧн вӧчӧм Ассур войтырӧс да Ассьым бӧрйӧм Израиль войтырӧс».

Исай 45:11

Господь, Израильӧс Вӧчысь, Израильлӧн вежа Ен тадзи висьталӧ: – Энӧ юасьӧй Менсьым, мый лоас Менам челядькӧд, энӧ велӧдӧй Менӧ, мый Меным вӧчны Аслам киӧн вӧчӧмторъяскӧд.

Исай 8:13

Вежавидзӧмӧн вылӧ пуктӧй Господь Саваофӧс! Сыысь полӧй, Сыысь тіралӧй!

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Исай 5:16

Но Господь Саваоф веськыда мыждӧ, та вӧсна Сійӧс лоӧ ыдждӧдлӧма. Аслас веськыда вӧчӧмнас вежа Ен петкӧдлас Ассьыс вежалунсӧ.

Восьтӧм 19:5

Сэсся Ен пуклӧссянь кыліс гӧлӧс шы: – Ошкӧй миян Енмӧс ставныд, Сылӧн кесйӧгъяс да Сыысь полысьяс, ичӧтъяс и гырысьяс!

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!

Матвей 6:9

Кевмысьӧй тадзи: – Енэжвывса миян Бать, мед лоӧ вежаӧн Тэнад нимыд.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Исай 43:21

Тайӧ войтырсӧ Ме Аслым вӧчи, сійӧ кутас кыпӧдны Меным ошкӧмсӧ.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Исай 26:12

Господьӧй, Тэ сетан миянлы лӧньлун, ӧд Тэсянь ставыс, мый ми вӧчам да шедӧдам.

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Езекиль 38:16

Бӧръя лунъясӧ тэ, Гог, уськӧдчан Менам Израиль войтыр вылӧ, кымӧр моз вевттян налысь мусӧ. Ме вайӧда тэнӧ Аслам муӧ, медым войтыръяс тӧдмаласны Менӧ. Тэ пыр Ме петкӧдла Ассьым вежалунӧс войтыръяслӧн син водзын.

Исай 28:21

Господь чеччас Перацим керӧс вылын моз, Сійӧ петкӧдлас Ассьыс скӧрлунсӧ Гаваон ковтысын моз, медым вӧчны Ассьыс уджсӧ, аддзывлытӧмторсӧ, да помӧдз вайӧдны Ассьыс вӧчӧмсӧ, вӧвлытӧмторсӧ.