Исай 29:18 - Коми Библия 2023

¹⁸ Сійӧ лунӧ пельтӧм кылас небӧгысь кывъяссӧ, синтӧмлӧн сап пемыднас тупкӧм синмыс кутас аддзыны.

Исай 29:18 Referans Kwoze

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Исай 35:5

Сэки синтӧмъяс пондасны аддзыны, пельтӧмъяс – кывны.

Марк 7:37

Йӧзыс шензьӧмӧн шензисны да шуалісны: «Сійӧ уна бурсӧ вӧчӧ. Пельтӧмъяслы сетӧ кывны, сёрниттӧмъяслы – сёрнитны».

Исай 32:3

Видзӧдысьлӧн синмыс оз нин куньсьы, кывзысьлӧн пельыс кутас сюся кывзыны.

Шусьӧгъяс 20:12

Кылысь пельтӧ да аддзысь синтӧ – кыкнансӧ вӧчис Господь.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Лука 7:22

Исус вочавидзис: «Мунӧй, висьталӧй Иоанлы, мый аддзанныд да кыланныд: – Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Исай 29:24

Сэки ловнас ылалӧмаяс вежӧрсяласны, ропкысьяс велӧдчасны кывзысьны.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Иоан 6:45

Пророкъяслӧн гижӧма: ”Енмыс быдӧнӧс велӧдас”. Быдӧн, коді кывзӧ Батьӧс да Сысянь велӧдчӧ, локтӧ Ме дінӧ.

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Индӧд 29:4

Но талунӧдз Господь [Ен] эз сет тіянлы гӧгӧрвоысь сьӧлӧм, аддзысь син да кылысь пель.

Иоан 9:7

Сэсся шуис: «Мун да мыссьы Силоам вайӧртӧдын». Силоам нимыс, вуджӧдны кӧ, лоӧ ”мӧдӧдӧма”. Синтӧм морт муніс, мыссис да кутіс аддзыны.

Исай 42:7

медым синтӧмъяслысь восьтны синсӧ, дорӧмаясӧс петкӧдны дзескыдінысь, пемыдын пукалысьясӧс – пемыдінысь.

Исай 42:19

Коді Менам кесйӧг кодь синтӧм, коді Меӧн мӧдӧдӧм юӧртысь кодь пельтӧм, коді Меӧн бӧрйӧма кодь синтӧм, коді Господьлӧн кесйӧг кодь синтӧм?

Исай 43:8

Петкӧд синтӧм войтырӧс, налӧн эм синъяс, но оз аддзыны, петкӧд пельтӧмъясӧс, налӧн эм пельяс, но оз кывны.

Даниил 12:4

Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».