Biblia Todo Logo
Bib sou entènèt

- Piblisite -




Исай 29:10 - Коми Библия 2023

10 Ӧд Господь мӧдӧдіс тіян пытшкӧ унзіль, тупкис тіянлысь синнытӧ – пророкъяснытӧ, вевттис тіянлысь юрнытӧ – тӧдысь-аддзысьяснытӧ.

Gade chapit la Kopi




Исай 29:10
21 Referans Kwoze  

ӧд гижӧма: – Енмыс сетіс налы чорзьӧм лов. Налӧн синныс куньса, пельныс тупкыса, и ӧнӧдз на тадз.


Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.


Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.


«Бур, – шуис Саул, – ветлам». Сэсся найӧ мунісны сійӧ карас, кӧні оліс Енлӧн морт. Кар дінӧ матыстчигӧн найӧ паныдасисны вала мунысь нывъяскӧд. Нывъяслысь юалісны, тані-ӧ тӧдысь-аддзысьыс олӧ. Войдӧр Израильын морт кӧ кӧсйис мыйкӧ юавны Енлысь, сійӧ шуліс, ветлам пӧ тӧдысь-аддзысь дінӧ, ӧд пророкъясӧс шулісны тӧдысь-аддзысьясӧн.


Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.


Таысь найӧс виччысьӧ пемыд, кӧні абу Енсянь петкӧдчылӧмыс, виччысьӧ сап пемыд, кӧні абу водзвыв юӧртӧмыс. Татшӧм пророкъяслы шондіыс пуксяс, лунъюгыдыс лоӧ пемыд.


Но пророк кӧ ылалас да вочавидзас, сідзкӧ, Ме, Господь, лэдзи сылы ылавны. Ме лэпта киӧс сы вылӧ да бырӧда сійӧс Аслам Израиль войтыр пӧвстысь.


Давид ачыс босьтіс Сауллӧн юр дорысь сылысь шысӧ да ва дозсӧ. Сэсся найӧ бӧр мунісны. Некод эз аддзыв ни эз тӧдлы налысь волӧмсӧ, некод весиг эз садьмыв. Ставныс узисны, ӧд Господь ыстіс налы чорыд ун.


Ме шуи: – Кывзӧй, Яков рӧдлӧн юралысьяс, Израиль войтырлӧн веськӧдлысьяс! Тіянлы колӧ тӧдны веськыдлунсӧ.


Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.


Тэнад батьыд мыж вӧчис, тэнад веськӧдлысьясыд Меным паныд кыпӧдчисны.


«Сійӧ лунӧ, – висьталӧ Господь, – ӧксылысь да юралысьяслысь сьӧлӧмсӧ топӧдас, попъясӧс полӧм босьтас, пророкъяс шӧйӧвошасны».


Ӧні найӧ синтӧмъяс моз шӧйтӧны туй вывті, вирӧн пежасьӧмаӧсь, на дінӧ оз позь инмӧдчыны вирӧсь паськӧмныс вӧсна.


Тайӧ йӧзыс шуӧны: – Энӧ быгзьӧй, пророкъяс, энӧ лӧвтӧй татшӧмторсӧ! Миянӧс янӧдӧмыс оз су.


Swiv nou:

Piblisite


Piblisite