Исай 28:7 - Коми Библия 2023

⁷ Поп да пророк тшӧтш шатлалӧны вина юӧмысь, довъялӧны туй вывті сур юӧмысь, найӧ коддзӧмаӧсь да крукасьлӧны. Винаыс вермӧма найӧс, сурыс пемдӧдӧма вежӧрнысӧ. Пророкъяслӧн аддзылӧмъясыс вайӧдӧны йӧзсӧ ылӧгӧ, попъяс крукасьӧны асланыс кывъясӧ.

Исай 28:7 Referans Kwoze

Лука 21:34

Видзчысьӧй, медым сьӧлӧмныд эз кӧртась кодалӧм-гажӧдчӧмас да олӧм тӧждас, ӧд ставыс тайӧ чорзьӧдӧ тіянлысь сьӧлӧмнытӧ. Мед сійӧ луныс оз су тіянӧс виччысьтӧг.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Исай 19:14

Найӧ дзикӧдз кежӧдісны Египетӧс туй вывсьыс. Господь шӧйӧвоштіс Египетӧс, сійӧ лои код морт кодь, коді ветлӧдлӧ аслас вос вывті.

Еклесиаст 10:17

Шуда олӧм сійӧ муын, кӧні ӧксыыс бур рӧдысь, кӧні веськӧдлысьясыс ас кадӧ сёйӧны-юӧны, медым ёнмӧдчыны, а оз юӧм-кодалӧм могысь.

Шусьӧгъяс 20:1

Винаыд дурмӧдӧ, сурыд тышкасьны ыззьӧдӧ, мывкыдтӧм сійӧ, кодӧс юӧмыс ылӧдлӧ.

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Еремей 23:16

Господь Саваоф тадзи висьталӧ: энӧ кывзӧй тайӧ пророкъяссӧ. Найӧ пӧрйӧдлӧны тіянӧс, висьталӧны тіянлы ассьыныс аддзылӧмъяс, а оз Господьсянь петкӧдчылӧмъяс.

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Исай 3:12

Челядь дзескӧдӧны менсьым войтырӧс, аньяс ыджыдалӧны сы вылын. Вескӧдлысьяс кежӧдӧны сійӧс ылӧг туй вылӧ, нуӧдӧны чукля туйӧд.

Ефесӧ 5:28

Верӧсъяс, радейтӧй ассьыныд гӧтырнытӧ вир-яйтӧ моз, ӧд гӧтырсӧ радейтысь – асьсӧ радейтӧ.

Езекиль 44:21

Попъяс мед оз юны вина, кор налы ковмас мунны пытшкӧс йӧрӧ.

Езекиль 13:7

Найӧ аддзӧны абутӧмсӧ да юӧртӧны ылӧгсӧ. Найӧ шуӧны, Господь пӧ висьталӧ, а Ме эг висьтав.

Бӧрданкыв 2:4

Паныд сувтысь моз Сійӧ зэвтіс Ассьыс ньӧввужсӧ, мустӧмтысь моз веськӧдіс мелань кисӧ. Сійӧ виис-бырӧдіс ставсӧ, мый долыдмӧдӧ синтӧ. Биӧс моз Сійӧ кисьтіс Ассьыс скӧрлунсӧ Сион нывлӧн оланін вылӧ.

Еремей 23:13

Ме аддзылі, мый самарияса пророкъяс зывӧка вӧчисны, найӧ пророкалісны Ваал нимсянь, Менсьым Израиль войтырӧс кежӧдісны ылӧгас.

Исай 29:11

Енсянь петкӧдчылӧмъяс лоины тіянлы печатя небӧгын гижӧд кодь. Небӧгсӧ кӧ сетасны лыддьысьны кужысьлы да шуасны: «На, лыддьы», сійӧ вочавидзас: «Ме ог вермы, ӧд сійӧс тупкӧма печатьӧн».

Исай 24:2

Ставнысӧ виччысьӧ ӧтитор: войтырӧс и попъясӧс, кесйӧгӧс и ыджыдӧс, кесйӧг аньӧс и сылысь ыджыдсӧ, вузасьысьӧс и ньӧбасьысьӧс, водзӧсӧн сетысьӧс и уджйӧзаӧс.

Исай 22:13

Но ті гажӧдчанныд да нимкодясянныд, начканныд ӧшъясӧс да ыжъясӧс, сёянныд яй да юанныд вина. Ті шуаланныд: «Кутам сёйны-юны, ӧд аски кулам».

Исай 5:22

Курыд шог налы, кодъяс збойӧсь вина юны, повтӧмӧсь сур дасьтыны.

Исай 5:11

Курыд шог налы, кодъяс водз асывсянь корсьысьӧны сур юны да сёр рытӧдз чӧсмӧдлӧны асьнысӧ винаӧн!

Шусьӧгъяс 23:30

Сылӧн, коді кадсӧ коллялӧ вина юӧмӧн, коді корсьысьӧ унджык юны.

Исай 24:20

Муыс катласьӧ код юра моз, лайкъялӧ тӧлӧн вӧрӧдӧм чом моз. Мусӧ личкӧ мувывса олысьяслӧн мыжыс, сійӧ усяс, и сэсся оз нин чеччы.

Исай 28:1

Курыд шог юркытшлы, мыйӧн ошйысьӧны код юра ефремсаяс. Курыд шог нярмӧм дзоридзлы – ефремсаяслӧн мичмӧданторлы да ошйысянторлы. Курыд шог карлы, коді сулалӧ керӧс вылын, бур муа ковтыс весьтын. Сэтчӧс олысьяссӧ вермӧма винаыс.

Исай 43:27

Тэнад батьыд мыж вӧчис, тэнад веськӧдлысьясыд Меным паныд кыпӧдчисны.

Осий 7:5

Ӧксынымлӧн гажӧдчан лунӧ юралысьяс висьмытӧдзныс вина юӧны, ӧксы кисӧ нюжӧдӧ сылы паныд кыпӧдчысьяслань.

Аввакум 2:15

– Курыд шог сылы, коді юкталӧ матыссасӧ скӧрлунӧн, юкталӧ коддзытӧдзыс, медым аддзыны сійӧс пасьтӧгыс.

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.