Исай 27:7 - Коми Библия 2023

⁷ Господь ӧмӧй дойдаліс Израиль войтырӧс найӧс дойдалысьясӧс моз? Сійӧ ӧмӧй виаліс Израиль войтырӧс найӧс виалысьясӧс моз?

Исай 27:7 Referans Kwoze

Наум 3:19

Тэнсьыд дойястӧ некод оз бурдӧд, найӧ ёна висьӧны. Тэ йылысь юӧрсӧ кылысьяс кутасны клопайтны, ӧд унаӧн тӧдлісны тэнсьыд куслытӧм скӧрлунтӧ.

Наум 1:14

Ниневия кар йылысь Господь тадзи шуӧ: – Тэнад нимыд бырас, водзӧ чужысьясыд оз лоны. Тэнад крамысь Ме жугла идолъястӧ да бӧлбанъястӧ, дасьта тэнӧ гуаланін, ӧд тэ нинӧм кодь.

Еремей 51:24

Израиль войтыр, тіян син водзын Ме мынтыся Вавилонлы да Калдея муын олысьяслы став лёксьыс, мый найӧ вӧчисны Сионын, – висьталӧ Господь.

Еремей 50:40

Кыдзи Енмыс бырӧдіс Содом, Гомора да орчча каръяссӧ, – висьталӧ Господь, – тадзи жӧ Вавилонын оз ло олысьыс, сэтчӧ некод оз овмӧдчы.

Исай 17:14

Рытнас лоӧ ыджыд полӧм, а асъядорыс сійӧ оз нин ло. Татшӧмтор виччысьӧ миянлысь эмбур мырддялысьясӧс, татшӧм лоӧ миянлысь гусялысьяслӧн пайыс.

Исай 17:3

Ефремын оз нин лоны изкаръяс, Дамаскын оз нин лоны ӧксыяс, арамейяслӧн коляс войтырыс бырас. Накӧд лоӧ сійӧ жӧ, мый лои Израиль войтырлӧн нималӧмкӧд, – висьталӧ Господь Саваоф.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 10:17

Сійӧ Ачыс, Израильлӧн Югыдыс, лоӧ биӧн, Израильлӧн вежа Енмыс лоӧ ыпъялысь биӧн, Сійӧ сотас йӧнсӧ да ёг турунсӧ, ӧти лунӧн бырӧдас Ассурӧс.

Исай 30:31

Господьлӧн гӧлӧс шыысь пондас тіравны Ассур, Господь кутас нӧйтны сійӧс беддьӧн.

Исай 31:8

Ассур войтыр шыпуртысь кулас, но оз мортлӧн шыпуртысь. Шыпурт бырӧдас найӧс, но оз мортлӧн шыпуртыс. Найӧ пышъясны шыпуртысь, но налысь зонъяссӧ уджӧдасны вот мынтӧм могысь.

Исай 31:9

Ёна повзьӧмнысла вошас налӧн зумыд лачаныс, налӧн юралысьясыс повзясны дӧрапасысь да пышъясны, – висьталӧ Господь, кодлӧн биыс ӧзйӧ Сионын, донӧдӧм пачыс – Ерусалимын.