Исай 26:20 - Коми Библия 2023

²⁰ Менам войтырӧй, мунӧй асланыд гортӧ да йигнасьӧй! Дзебсьӧй дженьыдик кад кежлӧ, кытчӧдз оз лӧнь Господьлӧн скӧрлуныс.

Исай 26:20 Referans Kwoze

Псалтыр 30:5

Мезды менӧ налькйысь, кодӧс гусьӧн октісны меным, ӧд Тэ – менам сайӧдчаніныс.

Псалтыр 27:5

Ӧд найӧ нинӧмӧ пуктӧны Господьлысь уджъяссӧ, Сылысь вӧчӧмторъяссӧ. Та вӧсна Сійӧ пасьвартас найӧс, и бӧрсӧ кок выланыс оз сувтӧд.

Матвей 6:6

Но тэ пыр аслад вежӧсӧ, ӧдзӧстӧ пӧдлав да кевмысь тыдавтӧм Батьыдлы. Гусясӧ аддзысь Батьыд сетас тэныд аддзымӧнъя.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Шусьӧгъяс 18:10

Дышпырысь кӧ уджалан, тэ – бырӧдысьлы вок.

Псалтыр 17:8

Муыс сыркмунліс да вӧрзис, керӧсъяс кыпмунлісны да вешйисны места вывсьыс, сэтшӧма скӧрмис Господь.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

Исай 10:25

Но регыд нин, вывті регыд Менам лӧглунӧй тіян вылӧ кусас. Менам скӧрлунӧй бергӧдчас Ассур вылӧ, медым бырӧдны сійӧс.

Псалтыр 32:7

Ыджыд чукӧрӧ Сійӧ чукӧртіс саридзса ваяс, Аслас видзанінӧ пуктіс джуджыд юяс.

Исай 51:4

Кывзы Менӧ, войтырӧй, сюся кывзы Менӧ, войтырӧй! Индӧдыс воас Месянь, Менам веськыда мыждӧмӧй лоас югыдӧн войтыръяслы.

Псалтыр 91:1

Псалом. Сьылӧны шойччан лунӧ.

Езекиль 11:16

Та вӧсна шу, мый Господь Ыджыдыс тадзи висьталӧ: Ме вӧтлі найӧс мӧд муясӧ мукӧд войтыръяс пӧвстӧ, но сэні Ме Ачым лои налы вежаинӧн.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Псалтыр 143:9

Енмӧй, ме сьыла Тэныд выль сьыланкыв, кута ворсны Тэныд дас струнаа арфаӧн.

Псалтыр 57:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Давидлӧн кывбур.

Олӧм 7:1

Господь [Ен] шуис Нойлы: «Пыр аслад котырыдкӧд ковчегӧ, ӧд Ме аддзи, мый ӧнія олысьяс пӧвстысь тэ ӧтнад олан веськыда Ме водзын.

Еремей 31:14

Попъясӧс Ме верда чӧскыд сёянӧн, Менам войтырӧй пӧтас Менам бур сетӧмторъясӧн, – висьталӧ Господь.

Олӧм 7:16

ай да энь, кыдзи Енмыс сылы тшӧктіс. Нойлӧн пырӧм бӧрти Господь [Ен] тупкис ковчег ӧдзӧссӧ.

Матвей 23:37

«Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Иов 14:13

Тэ кӧ эськӧ кулӧмаяслӧн оланінын сайӧдін менӧ, дзебин менӧ, кытчӧдз скӧралӧмсьыд он лӧнь, индін меным кад, а сэсся ме йылысь бара казьтыштін!

Шусьӧгъяс 22:3

Вежӧра морт казялӧ лёксӧ да дзебсьӧ, вежӧртӧм водзӧ мунӧ да мыждӧма лоӧ.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Исай 34:2

Господь скӧрмӧма став войтыръяс вылӧ, Сійӧ лӧгалӧ налӧн тышкайӧз вылӧ. Господь шуис дзикӧдз бырӧдны найӧс, лэдзис найӧс начкыны.

Исай 66:14

Ті аддзанныд тайӧс, и тіян сьӧлӧмныд пондас нимкодясьны, тіян вир-яйныд пондас дзоридзавны. Быдӧн тӧдмалас, мый Господьлӧн киыс Сылӧн кесйӧгъяс вылын, а скӧралӧмыс – Сылы паныд сувтысьяс вылын.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Софоний 2:3

Корсьӧй Господьӧс, мувывса рам сьӧлӧмаяс, Сылӧн Индӧд серти олысьяс. Корсьӧй веськыдлунсӧ, корсьӧй рамлунсӧ, сэки, гашкӧ, ті верманныд дзебсьыны Господьлӧн скӧралан лунӧ.

Псалтыр 57:2

Мыждысьяс, збыльсӧ-ӧ ті висьталанныд? Мортлӧн пиян, веськыда-ӧ ті мыжданныд?