Исай 25:6 - Коми Библия 2023

⁶ Тайӧ керӧс вылас Господь Саваоф дасьтас став войтыръяслы пызан, кӧні лоӧ чӧскыд сёян да медбур вина, пӧтӧса яя вӧлӧга да чӧскыд вина.

Исай 25:6 Referans Kwoze

Матвей 8:11

Висьтала тіянлы: унаӧн локтасны асыввылысь да рытыввылысь Енэжвыв Юраланінӧ. Найӧ ӧти пызан сайӧ пуксясны Ӧвраамкӧд, Исааккӧд да Яковкӧд.

Псалтыр 63:5

Найӧ гусьӧн лыйлӧны мыжтӧмӧс, виччысьтӧг лыйӧны, нинӧмысь оз повны.

Восьтӧм 19:9

Андел шуис меным: «Гиж: шудаӧсь найӧ, кодъясӧс корӧма Балялӧн кӧлысь вылӧ». Сэсся содтіс: «Тайӧ Енлӧн збыль кывъясыс».

Лука 22:30

Менам Юраланінын ті понданныд сёйны-юны Мекӧд ӧти пызан сайын да пуксянныд юралан пуклӧсӧ мыждыны израильса дас кык чужанкотырӧс».

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Исай 1:19

Ті кӧ кӧсйысянныд кывзысьны Менсьым, сэки кутанныд пӧткӧдчыны муыслӧн сетӧмторйӧн.

Матвей 26:29

Висьтала тіянлы: ӧнісянь ог понды юны тайӧ виноград юансӧ сійӧ лунӧдз, кор понда юны тіянкӧд выльӧс Менам Батьлӧн Юраланінын».

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Даниил 7:14

Локтысьлы вӧлі сетӧма юралӧм да нималӧм, Сійӧс вӧлі пуктӧма ӧксыӧ, медым войтыръяс, чужанкотыръяс да быд кыла йӧз кесъялісны Сылы. Сылӧн ыджыдалӧмыс – нэмъяс чӧж, Сылысь юралӧмсӧ некор оз ло вештӧма-бырӧдӧма.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Сьылан 1:4

Ерусалимса нывъяс! Менам кучикӧй кедарсаяслӧн чом кодь мугов, но ме Соломонлӧн дӧраыс кодь мича.

Сьылан 1:2

Тэсянь чӧскыд мавтасӧн ӧвтӧ, тэнад нимыд – визувтысь дона вый, та вӧсна тэнӧ радейтӧны нывъяс.

Лука 5:39

Сулӧдӧм винатӧ юӧм бӧрын мортыс оз кӧсйы юны выль винатӧ, шуас, сулӧдӧмыс пӧ бурджык».

Еремей 48:11

Том кадсяньыс Моав оліс лӧня, вина моз сулаліс аслас дозйын, дозйысь дозйӧ сійӧс эз кисьтлыны, пленӧ эз нуӧдлыны. Та вӧсна сылӧн кӧрыс эз вежсьыв, сысянь ӧвтіс пыр ӧтмоза.

Марк 16:15

Сэсся шуис налы: «Мунӧй став муюгыд пасьтала да висьталӧй Евангелльӧсӧ ставныслы.

Псалтыр 36:8

Дугды скӧравнытӧ да эновтчы лёксьӧмысь, эн ыпъяв скӧрлуннад сы выйӧдз, медым вӧчны лёксӧ.

Исай 56:7

Ме вайӧда Аслам вежа керӧс вылӧ, сета налы нимкодясьны Аслам кевмысян керкаын. Меным шогманаӧсь лоӧны налӧн сотан да мукӧд висьясыс, висьпуктанін вылӧ вайӧмторъясыс. Менам керкаӧй кутас шусьыны став войтыръяслӧн кевмысян керкаӧн.