Исай 24:8 - Коми Библия 2023

⁸ Дугдіс кывны тимпанлӧн гажа шыыс, ланьтіс гажӧдчысьяслӧн гораа нимкодясьӧмыс, дугдіс кывны гуслилӧн гажа шыыс.

Исай 24:8 Referans Kwoze

Осий 2:11

Ме пукта пом сылӧн нимкодясьӧмлы, гажӧдчан да шойччан лунъяслы, выль тӧлысь пасйӧмлы.

Восьтӧм 18:22

Тэнад туй вылын некор оз кут кывны сьылӧм шы, пӧлян да труба шы, некод оз кут ворсны арфаӧн. Некор оз кут уджавны тані киподтуя морт, некор оз кут кывны тані изки шы.

Езекиль 26:13

Ме пукта пом сьыланкывъяс юргӧмлы, гуслияслӧн шы оз нин кут кывны.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Еремей 25:10

Тайӧ муясас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, оз кут кывны изкилӧн шыыс, оз кут тыдавны би дозлӧн югӧрыс.

Еремей 16:9

Господь Саваоф, Израильлӧн Ен, тадзи висьталӧ: тіян олігӧн на, тіян син водзын, тайӧ муас нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс.

Исай 5:12

Налӧн гажӧдчанінын ворсӧны гуслиӧн да арфаӧн, тимпанӧн да пӧлянӧн. Сэні шорӧн киссьӧ вина! Но Господьлысь уджъяссӧ найӧ оз аддзыны, Сылысь вӧчӧмторъяссӧ оз казявны.

Иов 30:31

Менам гуслиӧй бӧрдан шы лэдзӧ, пӧлянӧй шог сьыланкыв ворсӧ.

Псалтыр 137:2

Ме копыртча Тэнад вежа крамлань да ошка Тэнсьыд нимтӧ Тэнад буралӧмысь да збыльысь. Ассьыд нимтӧ да кывтӧ Тэ кыпӧдін ставсьыс вылӧ.

Исай 5:14

Пыдӧстӧминыс воссяс, сійӧ паськыда восьтас ассьыс горшсӧ да ньылыштас нималана йӧзӧс и озыръясӧс, сійӧ ньылыштас став гажӧдчысь йӧзсӧ.

Исай 16:10

Бур вотӧса му вылын оз нин гажӧдчыны-нимкодясьны, виноград йӧръясын оз сьывны, оз нимкодясьны, пычкан гуын оз талявны виноград вотӧс, дугдіс кывны гажӧдчӧм шы.

Бӧрданкыв 5:14

Юрнуӧдысьяс оз нин пукавны карса дзиръя дорын, том йӧз оз нин сьывны-ворсны.

Езекиль 28:13

Тэ олін Эдэмын, Енлӧн сад йӧрын. Тэнӧ мичмӧдісны дона изъяс: рубин, топаз, алмаз, хризолит, оникс, яшма, сапфир, карбункул да изумруд. Паськӧмтӧ вӧлі мичмӧдӧма зарниӧн. Ставыс тайӧ вӧлі дась нин сійӧ лунӧ, кор тэнӧ вӧлі вӧчӧма.

Иов 3:7

Сійӧ войыс мед оз сет сьӧктаммыны, мед оз тӧд нимкодясьӧмсӧ.

Амос 6:7

Та вӧсна ті медводдзаясӧн мунанныд пленӧ – помасяс жуйвидзысьяслӧн гажӧдчӧмыс!