Исай 24:6 - Коми Библия 2023

⁶ Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

Исай 24:6 Referans Kwoze

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Матвей 7:14

Векньыд ӧдзӧсыс да векньыд туйыс олӧмӧ нуӧдӧны, и тайӧс аддзысьыс этша».

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.

Малакий 4:6

Сійӧ бергӧдас батьяслысь сьӧлӧмсӧ пиянлань, пиянлысь сьӧлӧмсӧ – батьяслань, медым локтігӧн Ме эг ёр да эг бырӧд мусӧ.

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Малакий 3:9

Ёрӧмӧн ёрӧма тіянӧс, ӧд ті, Израиль войтыр, гусяланныд Менсьым.

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Езекиль 5:3

Шыбитӧм юрсисьыд босьт неуна да кӧртав паськӧм дорышад.

Исай 1:31

Вына морт лоӧ идзас кодь, сылӧн уджъясыс – бикинь кодь. Найӧ ӧтвылысь ыпнитасны, и некод оз вермы кусӧдны.

Индӧд 28:62

Ті вӧлінныд енэжвыв кодзувъяс мында, но этшаӧн колянныд, ӧд ті энӧ кывзысьӧй Господьлысь, асланыд Енлысь.

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Исай 5:24

Но кыдзи би сотӧ идзас да ыпъялӧмӧн сотчӧ турун, тадзи налӧн вужйыс сісьмас, налӧн дзоридзыс бус моз разалас, ӧд найӧ ӧтдортісны Господь Саваофлысь Индӧдсӧ, нинӧмӧ пуктісны Израильлӧн вежа Енлысь кывъяссӧ.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Исай 34:5

– Енэжысь коланасӧ бырӧдӧм бӧрын Менам шыпуртӧй усяс Эдом вылӧ, медым дзикӧдз бырӧдны войтырӧс, кодӧс Ме мыжді.

Исай 43:28

Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.

Еремей 5:14

Господь Ен Саваоф тадзи висьталӧ: – Сыысь, мый найӧ шуалӧны татшӧм кывъяс, Ме пукта Ассьым кывъясӧс тэнад вомӧ, и вӧча найӧс биӧн. А тайӧ войтырыс лоӧ пескӧн, и биыс ньылыштас найӧс.

Ӧксыяслӧн 4 небӧг 24:12

Сэки иудаса Еконей ӧксы аслас мамкӧд, кесйӧгъясыскӧд, веськӧдлысьясыскӧд да ыджыд чина йӧзыскӧд сетчис вавилонса ӧксылы. Навукодоносор босьтіс Еконейӧс пленӧ аслас кӧкъямысӧд веськӧдлан воӧ.

Ӧксыяслӧн 4 небӧг 25:12

Сӧмын гӧль йӧз пӧвстысь этшаникӧс Навузардан кольӧдіс уджавны виноград йӧрын да видз-му вылын.

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Еремей 12:4

Дыр-ӧ муыс кутас бӧрдны, дыр-ӧ туруныс кутас косьмыны видз вылын? Пемӧс-лэбач кулӧ, ӧд мувывса олысьяс лёксӧ вӧчӧны, шуалӧны, Енмыс пӧ оз аддзы, мый лоӧ миянкӧд.