Исай 24:23 - Коми Библия 2023

²³ Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.

Исай 24:23 Referans Kwoze

Исай 60:19

Луннас шондіыс оз нин понды тэныд югдӧдны, тӧлысьыс оз понды дзирдавны, но Ачыс Господь лоӧ тэныд бырлытӧм югыдӧн, тэнад Енмыд лоӧ тэнад дзирдлунӧн.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Микей 4:7

Чотысьясӧс вӧча бӧрйӧм коляс войтырӧн, разалӧмаясӧс – вына войтырӧн. Господь лоӧ налӧн ӧксыӧн Сион керӧсын ӧні да нэмъяс чӧж.

Исай 30:26

Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Восьтӧм 19:6

Сэсся ме кылі йӧз чукӧрлысь шысӧ, быттьӧ уна шор бузгис-визувтіс, и чорыда гымаліс. Найӧ шуалісны: – Аллилуйя! Господь, Ставсӧвермысь Ен, ӧні лоис Ӧксыӧн!

Восьтӧм 19:4

Та бӧрти кызь нёль юрнуӧдысьыс да нёльнан ловъя олысьыс кымынь уськӧдчӧмӧн копыртчылісны юралан пуклӧсын пукалысь Енлы да шуисны: – Аминь! Аллилуйя!

Восьтӧм 14:1

Сэсся ме видзӧдлі да аддзи, мый Сион керӧс вылын сулалісны Баля да Сыкӧд орччӧн сё нелямын нёль сюрс морт. Налӧн плешканыс вӧлі гижӧма Сылӧн Батьлысь нимсӧ.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Йоиль 3:15

Шондіыс да тӧлысьыс пемдасны, кодзувъяс югӧрсӧ воштасны.

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Даниил 7:27

Енэжувса ӧксыяслысь юралӧмсӧ да ыджыдалан вынсӧ лоӧ сетӧма Медвылыссалӧн вежа войтырлы. Медвылыссалӧн юралӧмыс лоӧ нэмъяс чӧж, и став юралысьясыс пондасны кесъявны Сылы да кывзысьны Сылысь».

Даниил 7:18

Но юралӧмсӧ босьтас Медвылыссалӧн вежа войтырыс, и найӧ пондасны юравны помтӧг и нэмъяс чӧж».

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Псалтыр 97:1

[Давидлӧн] псалом. Сьылӧй Господьлы выль сьыланкыв! Сійӧ вӧчис шензьӧданаторъяс. Сылӧн веськыд киыс да вежа выныс вайисны Сылы вермӧмсӧ.

Петӧм 15:21

Мирьям сьыліс: «Сьылӧй Господьлы, ӧд Сійӧ ыджыд! Вӧвъясӧс да верзьӧмаясӧс Сійӧ саридзын пӧдтіс».

Матвей 6:10

Мед воас Тэнад Юралӧмыд. Мед инас Тэнад кӧсйӧмыд му вылын енэжын моз.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Исай 33:17

Аслад синмӧн тэ аддзан Ӧксыӧс став сылӧн мичлуннас, тэ аддзан ылӧдз нюжӧдчӧм му.

Исай 60:1

Чеччы, югъяв, Ерусалим, ӧд тэнад югыдыд ӧзйис, тэ весьтын Господьлӧн дзирдлуныс тыдовтчис.

Исай 60:20

Тэнад шондіыд оз нин пуксьы, тэнад тӧлысьыд оз нин дзебсьы, ӧд Господь лоӧ тэнад бырлытӧм югыдӧн, и тэнад бӧрдан лунъясыд помасясны.

Езекиль 48:35

Ставнас карса стенмыс лоӧ дас кӧкъямыс сюрс гырддза кузьта. Тайӧ лунсяньыс Ерусалим карлӧн нимыс лоӧ ”Тані Господь”».

Закар 14:6

Сійӧ лунӧ оз югды, кодзувъяс оз тыдовтчыны.

Закар 14:7

Сійӧ луныс лоӧ аслыспӧлӧс: луныс ни войыс оз пуксьы, рытнас оз пемды. Тайӧ луныс йылысь тӧдӧ сӧмын Господь.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Авдий 1:21

Вермысьяс каясны Сион керӧс вылӧ, медым ыджыдавны Исав керӧс вылын. И Господь лоас сэні ӧксыӧн.