Исай 24:1 - Коми Библия 2023

¹ Со, Господь куштӧ мусӧ, бырӧдӧ сэні олысьясӧс, тшыкӧдӧ муыслысь чужӧмбансӧ, разӧдӧ му вылын олысьясӧс.

Исай 24:1 Referans Kwoze

Наум 2:10

Ниневия карӧс куштӧма-бырӧдӧма. Сьӧлӧмъяс висьӧны, пидзӧсъяс тіралӧны. Дойысла йӧзыс куснясьӧны, налӧн чужӧмныс быгалӧма.

Исай 2:19

Йӧзыс пышъясны изкыртаясӧ, дзебсясны му горсъясӧ, ӧд найӧс полӧм топӧдас Господьлӧн вынысь, Сылӧн дзирдлунысь найӧс полӧм босьтас. Господь кыпӧдчас, и йӧзсӧ полӧм босьтас!

Исай 42:15

Ме кушта керӧсъяс да мылькъяс, чишкала сэтысь став быдмӧгсӧ, юяс вӧча діясӧн, тыяс косьта.

Исай 24:20

Муыс катласьӧ код юра моз, лайкъялӧ тӧлӧн вӧрӧдӧм чом моз. Мусӧ личкӧ мувывса олысьяслӧн мыжыс, сійӧ усяс, и сэсся оз нин чеччы.

Езекиль 35:14

Господь Ыджыдыс тадзи висьталӧ: став муыс пондас нимкодясьны, но тэысь Ме вӧча овтӧмин.

Езекиль 12:20

Олан каръясныс киссясны, муныс овтӧммас. Сэки ті тӧдмаланныд, мый Ме – Господь».

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Езекиль 6:6

Быдлаын, кӧні ті оланныд, каръясныд лоасны овтӧминӧн, вись ваян мылькъясныд – кушинӧн. Висьпуктанінъяснытӧ да идолъяснытӧ лоӧ пасьвартӧма, тшынӧдчанінъяснытӧ да киӧн вӧчӧмторъяснытӧ – дзикӧдз бырӧдӧма.

Езекиль 5:14

Ерусалим, Ме вӧча тэнӧ из чукӧрӧн, тэ гӧгӧр олысь войтыръяслы да тэ дінті ветлысь-мунысьяслы сета тэнӧ лёкӧдны.

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Еремей 9:16

Ме разӧда найӧс войтыръяс пӧвстӧ, кодъясӧс эз тӧдлыны ни найӧ, ни батьясныс. Ме мӧдӧда шыпурт виавны найӧс, кытчӧдз ставнысӧ ог бырӧд».

Исай 33:9

Муыс шогсьӧ, косьмӧма, ливанса вӧр нюкыртчӧма, сьӧдасьӧма, Шарон ласта лои кушинӧн. Васан ыб вылын да Кармил керӧсъясын кушмӧмаӧсь пуяс.

Исай 29:16

Мый ті йӧйталанныд? Гырнич вӧчысьӧс ӧмӧй позяс ӧткодявны сёйкӧд? Вӧчӧмторйыс ӧмӧй шуас вӧчысьыс йылысь, эз пӧ сійӧ вӧч менӧ? Гырничыс ӧмӧй шуас гырнич вӧчысьыс йылысь, сійӧ пӧ нинӧм оз гӧгӧрво?

Исай 27:10

Кушмас-тыртӧммас зумыд кар, оланінъяссӧ йӧзыс колясны-эновтасны, кар пыдди лоӧ овтӧмин. Сэні пондасны куйлыны да йирсьыны куканьяс, найӧ кушӧдз йирасны пуяслысь коръяссӧ.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Псалтыр 146:9

Сійӧ пӧткӧдӧ ыж-мӧскӧс, вердӧ кравзысь кырныш пиянӧс.

Неемий 1:8

Казьтышт, мый Тэ шулін Аслад Мӧисей кесйӧглы: ”Ті кӧ эновтанныд Менӧ, Ме разӧда тіянӧс мукӧд войтыръяс пӧвстӧ.

Ӧксыяслӧн 4 небӧг 21:13

Ме муртала Ерусалимлы мыждӧмсӧ сідзи жӧ, кыдзи мурталі Самария карлы. Ме весита Ерусалимӧс сійӧ жӧ вескинас, мыйӧн веситі Ахавлысь рӧдсӧ. Кыдзи тасьті чышкалӧны да кымыньтӧны, тадзи вӧча тшӧтш Ерусалимкӧд.

Индӧд 32:26

Ме кӧсйи бырӧдны найӧс, вуштыны йӧз пӧвстысь на йылысь казьтылӧмсӧ,

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Езекиль 24:11

Куш пӧртсӧ пукты ӧгыр вылас, медым ыргӧныс доналас, медым сотчас-сылас сэтысь став пежыс, став пурзьӧм няйтыс.

Еремей 40:15

Сэки Карейлӧн Иоханан пиыс гусьӧн шуис Гедалийлы: «Лэдз менӧ мунны да вины Нетанийлысь Измаил писӧ. Та йылысь некод оз тӧдлы. Оз позь лэдзны, медым сійӧ виис тэнӧ. Сэки вавилонсаяс разӧдасны Иуда войтырысь тэ дінӧ чукӧртчӧмаясӧс да бырӧдасны коляс войтырсӧ».

Яков 1:1

Гижӧ Яков, Енлӧн да Господь Исус Кристослӧн кесйӧг. Чолӧмала дас кык чужанкотырӧс, кодъяс разалӧмаӧсь став му пасьталаыс.

Ап. уджъяс 17:6

но эз аддзыны. Сэки босьтісны Ясонӧс, нӧшта кодсюрӧ вокъясӧс да вайӧдісны карӧн веськӧдлысьяс дінӧ. Налы горзігтыр висьталісны: «Тайӧ йӧзыс, став муюгыдсӧ гудыртысьясыс, миянӧдз воисны.

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Исай 13:13

Енэжсӧ Ме вӧрзьӧда, и муыс вешъяс аслас местаысь. Тадзи лоӧ Господь Саваофлӧн ярлуныс вӧсна Сылӧн скӧралан лунӧ.

Исай 24:19

Муыс потласьӧ, муыс жугласьӧ, муыс ёна сыркакылӧ.

Исай 30:32

Выльысь и выльысь Господь кутас нӧйтны сійӧс тимпан да гусли ворсан шы улӧ. Аслас кинас повзьӧдӧмӧн Господь петас сылы паныд тышӧ.

Исай 34:2

Господь скӧрмӧма став войтыръяс вылӧ, Сійӧ лӧгалӧ налӧн тышкайӧз вылӧ. Господь шуис дзикӧдз бырӧдны найӧс, лэдзис найӧс начкыны.

Исай 34:10

Сійӧ пондас сотчыны лун и вой, сылӧн тшыныс пондас кыпӧдчыны дугдывтӧг. Нэмъяссянь нэмъясӧдз некод оз кут овны сэні, мортлӧн кокыс оз тувччыв сэтчӧ нэмъяс чӧж.

Еремей 51:34

– Вавилонса Навукодоносор ӧксы сёйис-йирис миянӧс, вӧчис Сионӧс куш дозйӧн. Гундыр моз сійӧ ньылыштіс миянӧс, чӧсмасис миянӧн да тыртіс ассьыс рушкусӧ, а коляссӧ быликтіс.

Наум 1:5

Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Исай 29:2

Ме дзескӧда Ариэл карӧс, сэні лоӧ бӧрдӧм да шогсьӧм, сійӧ збыльысь лоӧ Менам висьпуктанінӧн.

Исай 32:12

Шогсьӧй да кучкалӧй асьнытӧ морӧсаныд бур видз-му вӧсна, вотӧса виноград пуяс вӧсна,

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».

Езекиль 7:12

Воис кад, матыстчӧ лун. Ньӧбысь мед оз нимкодясь, вузалысь мед оз бӧрд, ӧд ставныс вылӧ киссьӧ скӧрлунӧй.

Езекиль 7:14

Тутсӧ труба, ставсӧ дасьтӧма, сӧмын тышӧ петысьыс абу, ӧд Менам скӧрлунӧй налӧн ыджыд чукӧр вылӧ киссьӧ.