Исай 23:9 - Коми Библия 2023

⁹ Господь Саваоф тадзи шуис лоны, медым янӧдны ышнясьысьясӧс да ошйысьысьясӧс, медым улӧ пуктыны найӧс, кодъясӧс вылӧ пуктісны му вылын.

Исай 23:9 Referans Kwoze

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Ефесӧ 3:11

Тадзи нэмъяс пуксьытӧдз на лӧсьӧдӧм-мӧвпыштӧмсӧ Енмыс пӧртіс олӧмӧ миян Господь Исус Кристос пыр.

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.

Ап. уджъяс 4:28

Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ.

Малакий 4:1

Сійӧ луныс воас ыпъялысь би моз, идзасӧс моз сотас вылӧ кыпӧдчысьясӧс, сотас лёк вӧчысьясӧс, – висьталӧ Господь Саваоф, – оз коль наысь весиг вуж ни ув.

Еремей 51:62

да шу: Господьӧй, Тэ шуин тайӧ муыс йылысь, мый татчӧ оз коль морт ни ыж-мӧс, и сійӧ пыр кежлӧ лоӧ овтӧминӧн.

Исай 14:27

Господь Саваоф тадзи шуис, и коді вермас вежны тайӧс? Сійӧ нюжӧдӧма кисӧ, и коді вермас вештыны сійӧс?

Исай 14:24

Господь Саваоф кыв сетӧмӧн шуис: – Ставыс лоӧ сідзи, кыдзи Ме мӧвпышті. Менам шуӧмӧй збыльмас.

Исай 10:33

Ӧні Ыджыдыс, Господь Саваоф, ыджыд вынӧн нетшкӧ пу вожъяс. Ыджыд пуяссӧ лоӧ кералӧма, джуджыд пуяс усясны.

Исай 9:15

Юрыс – тайӧ юрнуӧдысьяс да нималана йӧз, а бӧжыс – тайӧ ылӧгвелӧдысь пророкъяс.

Исай 5:13

Та вӧсна менсьым войтырӧс тӧдлытӧг нуӧдасны пленӧ. Налӧн нималана йӧзыс кутасны тшыгъявны, озыръяс нюкыртчасны горш косьмӧмнысла.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Иов 12:21

нималысьясӧс янӧдӧ, вынаясӧс жебмӧдӧ.

Исай 14:26

Господьлӧн татшӧм шуӧмыс став муюгыдыс йылысь, Сылӧн киыс нюжӧдӧма став войтыръяс вылӧ.

Исай 23:10

Фарсисын олысьяс, ӧні тіян мытшӧдыс абу, ойдӧм ю моз паськӧдчӧй асланыд муын.

Исай 32:13

Менам войтырлӧн му вӧсна, ӧд сэні кутас быдмыны йӧн да ёг турун. Шогсьӧй гажӧдчысь керкаяс вӧсна, став гажӧдчысь карыс вӧсна,

Еремей 13:9

«Господь тадзи висьталӧ: Иуда войтырлӧн ышнясьӧмлы да Ерусалимын олысьяслӧн ёна ышнясьӧмлы Ме тадзи жӧ пукта пом.

Авдий 1:2

– Эдом, Ме вӧча тэнӧ войтыръяс пӧвстын медічӧтӧн, тэнӧ ставныс пондасны ёна мустӧмтны.

Петӧм 8:4

Найӧ чеччаласны тэ вылӧ, тэныд кесъялысь йӧз да став войтырыд вылӧ».

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.