Исай 23:18 - Коми Библия 2023

¹⁸ Но Тирлысь сьӧмсӧ, мый сійӧ чукӧртіс асьсӧ вузалысь ань моз, лоӧ торйӧдӧма Господьлы. Сійӧс оз чукӧртны, оз дзебны амбарӧ. Став сьӧмсӧ лоӧ сетӧма Господь водзын кесъялысьяслы, медым найӧ пӧттӧдзныс сёясны да бура пасьтасясны.

Исай 23:18 Referans Kwoze

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Галатӧ 6:6

Ен кывйӧн туйдӧдӧмаыс мед юксяс быд бурнас туйдӧдысьыскӧд.

Петӧм 28:36

Весалӧм зарниысь вӧч пӧвтор да вундалӧмӧн гиж сэтчӧ ”вежӧдӧма-торйӧдӧма Господьлы”.

Ап. уджъяс 9:39

Петыр чеччис да локтіс накӧд. Воӧм мыстиыс Петырӧс нуӧдісны вылыс вежӧсас. Дӧваяс кытшалісны сійӧс да бӧрдӧмсорӧн петкӧдлісны Тавита киӧн вурӧм дӧрӧм-паськӧм.

Лука 12:33

Вузалӧй ассьыныд овмӧстӧ, сьӧмсӧ сетӧй гӧльяслы. Лӧсьӧдӧй аслыныд важмытӧм видзанінъяс да чӧжӧй бырлытӧм озырлун енэжӧ. Сэтчӧ гусясьысь оз пыр да сэні воз оз сёй.

Лука 8:3

Йоанна – Ирӧд овмӧсӧн веськӧдлысь Кузлӧн гӧтырыс, Сусанна да мукӧд. Овмӧснаныс найӧ отсасисны Исуслы.

Марк 3:8

Ерусалим карысь, Идумеяысь, Йӧрдан ю сайысь, Тир да Сидон каръясысь. Найӧ локтісны Исус дінӧ, ӧд кывлӧмаӧсь, мый Сійӧ вӧчӧ.

Малакий 3:10

– Став дасӧд юкӧннытӧ вайӧй видзанінъясӧ, медым Менам керкаын вӧлі сёян. Татшӧм ногӧн тӧдмалӧй Менӧ, – висьталӧ Господь Саваоф. – Ме ӧмӧй ог восьт тіянлы енэжвыв ӧшиньяссӧ, ог ӧмӧй лышкыда кисьт тіян вылӧ бурсиӧмсӧ?

Микей 4:13

Чеччы вартнытӧ, Сион нылӧй! Тэнсьыд сюртӧ Ме вӧча кӧртысь, кок гыжтӧ – ыргӧнысь. Войтыръясӧс тэ пасьвартан, налысь эмбурсӧ Господьлы сиан, налысь озырлунсӧ став муӧн Ыджыдалысьлы торйӧдан.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Шусьӧгъяс 28:8

Уджйӧзалысь содтӧдӧн босьтысь чукӧртӧ сылы, коді отсалӧ гӧльяслы.

Шусьӧгъяс 13:22

Мыж вӧчысьӧс лёкыс суӧ, а веськыда олысьлы бурыс вичмӧ.

Псалтыр 45:12

Господь Саваоф миянкӧд, Яковлӧн Енмыс – миянӧс Дорйысьыс. Ошкӧм.

Псалтыр 72:11

Найӧ шуалӧны: «Кытысь Енмыс тӧдмалас? Медвылыссаыс ӧмӧй тӧдӧ та йылысь?»

Езекиль 26:12

Вавилонсаяс мырддяласны тэнсьыд озырлунтӧ да эмбуртӧ. Найӧ жугласны карса стентӧ да мича керкаястӧ, саридзӧ шыблаласны изъястӧ, керъястӧ да весиг мутӧ.

Закар 14:14

Иуда войтыр тшӧтш петас тышӧ Ерусалимлы паныд. Ерусалимын олысьяс босьтасны на гӧгӧр олысь войтыръяслысь став озырлунсӧ: зэв уна эзысь, зарни да паськӧм.

Матвей 25:16

Вит талант босьтысь пырысь-пыр сьӧмсӧ уджӧ бергӧдас да содтӧд босьтас вит талант.