Исай 23:17 - Коми Библия 2023

¹⁷ Сизимдас во кольӧм мысти Господь бара казьтыштас Тир йылысь. Тир бара кутас озырмӧдчыны. Кырсалысь ань моз сійӧ босьтас став мувывса войтыръяслысь вузасьӧмысь сьӧмнысӧ.

Исай 23:17 Referans Kwoze

Наум 3:4

Ставыс тайӧ суис кырсалысь карӧс сылӧн ёна кырсалӧмысь. Сійӧ вӧлі мича, кужис тшыкӧдчыны, кырсалӧмнас сійӧ ылӧдліс войтыръясӧс, тшыкӧдчӧмнас – чужанкотыръясӧс.

Восьтӧм 19:2

Господь мыждӧ веськыда да збыльыс серти. Сійӧ мыждіс ыджыд карӧс, кырсалысь аньӧс, коді кырсалӧмнас пежаліс став мусӧ. Господь перйис водзӧссӧ тайӧ аньыслысь Аслас кесйӧгъяслӧн вирысь.

1 Петыр 5:2

видзӧй тіянлы сетӧм Енлысь йӧз чукӧрсӧ. Тӧждысьӧй на вӧсна нимкодьпырысь да Енлы шогмана ногӧн, энӧ мырдӧнпырысь. Вӧчӧй тайӧс сьӧлӧмсяньныд, а энӧ аслыныд мыйкӧ куралӧм могысь.

1 Тимофейлы 3:8

Вичкоса отсасьысьяс мед лоасны мывкыдаӧсь, сёрнитасны веськыда, оз кодавны, аслыныс оз куравны,

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

Ап. уджъяс 15:14

Симон висьталіс миянлы, мый Енмыс медводдзаысь бергӧдіс чужӧмбансӧ ентӧдтӧмъяслань, медым на пӧвстысь торйӧдны Аслыс войтырӧс.

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Микей 1:7

Идолъяссӧ жугласны, кырсалӧмысь сетӧм козинъяссӧ сотасны. Ме бырӧда сылысь идолъяссӧ, ӧд кырсалӧмысь босьтӧм дон вылӧ сійӧ сувтӧдіс найӧс, и кырсалӧмысь бара лоӧ мынтысьӧма наӧн.

Езекиль 22:13

Ме скӧрысь ки пыдӧсӧ вачка, ӧд тэ вир кисьтан да ылӧдлӧмӧн озырмӧдчан.

Езекиль 16:31

Быд туйвежӧ да быд изэрд вылӧ тэ кыпӧдін юрбитан мыльк. Тэ кырсалін, но эн босьт сьӧм, кыдзи босьтӧ асьсӧ вузавлысь ань.

Езекиль 16:26

Тэ кырсалін орччӧн олысь египетсаяскӧд, кодъяслӧн яндзимыс ыджыд. Ӧтарӧ кырсалӧмнад тэ ёна скӧрмӧдін Менӧ.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Индӧд 23:18

Энӧ вайӧй асланыд Господь Енлӧн керкаӧ кырсалӧм помысь босьтӧм сьӧм, медым збыльмӧдны кыв сетӧмнытӧ, ӧд кырсалысьяс зывӧкӧсь Господьлы, тіян Енлы.

Исай 23:15

Сійӧ лунӧ Тир йылысь вунӧдасны сизимдас во кежлӧ – тайӧ ӧти ӧксылӧн олан кадыс. Сизимдас во кольӧм бӧрти Тиркӧд лоӧ сійӧ жӧ, мый лои кырсалысь анькӧд, код йылысь сьылӧны:

Исай 23:16

– Босьт ассьыд гуслитӧ, ветлӧдлы карса туйясӧд, эновтӧм кырсалысь ань! Ворс мичаа, сьыв уна сьыланкыв, гашкӧ, тэнӧ и казьтыштасны!

Езекиль 16:25

да быд туйвежӧ. Тэ янӧдін ассьыд мичлунтӧ, быд ветлысь-мунысьлы паськӧдлін коктӧ да унджык на кырсалін.

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.