Исай 23:15 - Коми Библия 2023

¹⁵ Сійӧ лунӧ Тир йылысь вунӧдасны сизимдас во кежлӧ – тайӧ ӧти ӧксылӧн олан кадыс. Сизимдас во кольӧм бӧрти Тиркӧд лоӧ сійӧ жӧ, мый лои кырсалысь анькӧд, код йылысь сьылӧны:

Исай 23:15 Referans Kwoze

Еремей 25:22

Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.

Восьтӧм 17:10

Сизим юрыс индӧ сизим ӧксы вылӧ: витыс на пиысь кулісны нин, ӧтиыс веськӧдлӧ, а бӧръяыс эз на лок. Кор сійӧ локтас, оз кут дыр веськӧдлыны.

Осий 2:15

Сэні Ме бӧр сета сылы ассьыс виноград йӧръяссӧ, Акор ковтыс лоӧ сылы лачасӧ сетысьӧн. Сэні сійӧ кутас кывзысьны томдырйиыс моз, Египетысь петігӧныс моз.

Даниил 8:21

Ай кӧзаыс – тайӧ грецияса ӧксы. Кык син костас ыджыд сюрыс – тайӧ грецияса медводдза ӧксы.

Даниил 7:14

Локтысьлы вӧлі сетӧма юралӧм да нималӧм, Сійӧс вӧлі пуктӧма ӧксыӧ, медым войтыръяс, чужанкотыръяс да быд кыла йӧз кесъялісны Сылы. Сылӧн ыджыдалӧмыс – нэмъяс чӧж, Сылысь юралӧмсӧ некор оз ло вештӧма-бырӧдӧма.

Езекиль 29:11

Морт ни ыж-мӧс оз кут ветлыны сэті, оз ло сэні олысьыс нелямын во чӧж.

Езекиль 27:25

Фарсисса корабльяс новлӧдлісны тэнсьыд вузӧстӧ. Тэ вӧлін тырӧдз сӧвтӧма, вӧлін саридз шӧрын кывтысь сьӧкыд корабль.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Исай 23:16

– Босьт ассьыд гуслитӧ, ветлӧдлы карса туйясӧд, эновтӧм кырсалысь ань! Ворс мичаа, сьыв уна сьыланкыв, гашкӧ, тэнӧ и казьтыштасны!

Исай 23:17

Сизимдас во кольӧм мысти Господь бара казьтыштас Тир йылысь. Тир бара кутас озырмӧдчыны. Кырсалысь ань моз сійӧ босьтас став мувывса войтыръяслысь вузасьӧмысь сьӧмнысӧ.

Езекиль 16:35

Кырсалысь аньӧй, кывзы Господьлысь кывсӧ!