Исай 22:4 - Коми Библия 2023

⁴ Та вӧсна ме шуа: – Кольӧй менӧ, ме кута курыда бӧрдны. Энӧ зільӧй менӧ бурӧдны, ӧд менсьым войтырӧс бырӧдӧма.

Исай 22:4 Referans Kwoze

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Матвей 2:18

– Рама карын ырзӧм-бӧрдӧм кылӧ. Ракель аслас ныв-пи вӧснаыс бӧрдӧ, оз кӧсйы ланьтны бӧрдӧмсьыс, ӧд найӧ абуӧсь нин.

Микей 1:8

– Та вӧсна ме кута ырзӧмӧн бӧрдны, кута ветлыны кӧмтӧг-пасьтӧг, шакал моз понда омлявны, страус моз – ымзыны.

Еремей 31:15

Господь тадзи висьталӧ: – Рама карын ырзӧм-бӧрдӧм кылӧ. Ракель аслас ныв-пи вӧснаыс бӧрдӧ, оз кӧсйы ланьтны бӧрдӧмсьыс, ӧд найӧ абуӧсь нин.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Псалтыр 77:2

Ме сёрнита тіянкӧд шусьӧгъясӧн, висьтала тіянлы важся нӧдкывъяс.

Лука 19:41

Ерусалимлань матыстчигӧн Исус видзӧдліс кар вылас да бӧрдӧмӧн

Матвей 26:75

Сэки Петырлы тӧд вылас уси Исуслӧн шуӧмыс: «Петук чукӧсттӧдз на тэ куимысь соссян Меысь». Петыр петіс да курыда бӧрддзис.

Еремей 8:18

– Шогӧй топӧдӧ менӧ, менам сьӧлӧмӧй бӧрдӧ!

Еремей 6:26

Менам войтырӧй, пасьтав шогалан паськӧмтӧ, туплясь пӧим пытшкын. Бӧрд, быттьӧ ӧтка пиыд кулӧма, курыда бӧрд, ӧд виччысьтӧг локтас миянӧс бырӧдысь.

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Исай 33:7

Со, вынаяс горзӧны ывлаын, лӧньлунсӧ юӧртысьяс курыда бӧрдӧны.

Исай 15:3

Найӧ ветлӧны туй вывті шогалан паськӧмӧн, пукалӧны керка вевт вылын да бӧрдӧны, пукалӧны изэрд вылын да бӧрдӧны, бӧрдӧны кыз синваӧн.

Еремей 9:18

Мед найӧ тэрмасьӧмӧн локтасны да бӧрдасны миян вӧсна. Сэки миян синъясысь ыльӧбтас синва, сійӧ шорӧн кутас визувтны».

Бӧрданкыв 2:11

Синмӧй пемдіс бӧрдӧмсьыс, пытшкӧсӧй шызьӧма, сьӧлӧмӧй потӧ шогысла, ӧд менсьым войтырӧс бырӧдӧма, челядь да пузчужӧм кагаяс тшыгйысла кулӧны карса изэрдъяс вылын.

Езекиль 27:31

Юрнысӧ тэ вӧсна кушӧдз шырӧны, пасьталӧны шогалан паськӧм, курыда бӧрдӧны.

Эсфир 4:1

Кор Мардокей тӧдмаліс та йылысь, сійӧ косяліс паськӧмсӧ, пасьталіс шогалан паськӧм, кояліс юрсӧ пӧимӧн да петіс кар шӧрӧ. Сійӧ ырзӧмӧн бӧрдіс да гораа горзіс. [Горӧдіс: «Мыжтӧм войтырӧс бырӧдӧны!»]

Езекиль 21:11

Шыпуртсӧ сетӧма, медым весавны сійӧс да киӧ босьтны. Сійӧс лэчтӧма-весалӧма, медым морт виысьлы кабырас пуктыны.