Исай 21:1 - Коми Библия 2023

¹ Саридздорса овтӧмин йылысь водзвыв висьталӧм. Кыдзи Негев муын пӧльтӧ ыджыд тӧвныр, сідзи овтӧминысь, повзьӧдана муысь,

Исай 21:1 Referans Kwoze

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Еремей 51:42

Саридз ыльӧбтіс Вавилон вылӧ, гыясыс вевттисны сійӧс.

Исай 13:1

Вавилон йылысь водзвыв висьталӧм. Енмыс петкӧдліс тайӧс Амослӧн Исай пилы.

Закар 9:14

Господь петкӧдчас, медым отсавны Аслас войтырлы, Сійӧ чардби моз лыйыштас Ассьыс ньӧвсӧ. Господь Ыджыдыс букӧстас буксанӧн, Сійӧ кыпӧдчас лунвыв ыджыд тӧвнырӧн.

Исай 17:1

Дамаск йылысь водзвыв висьталӧм. Дамаск кар бырас, сійӧ лоӧ киссьӧм карӧн.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Езекиль 31:12

Йӧз муысь локтысьяс кералісны сійӧс, скӧрсьыс-скӧр войтыр колис сійӧс куйлыны керӧс вылӧ. Сылӧн вожъясыс усьласисны ковтысъясӧ, чегъясьӧм увъясыс – сёнъясӧ. Войтыръяс петісны сылӧн вуджӧр улысь, найӧ эновтісны сійӧс.

Езекиль 30:11

Ме вайӧда сійӧс да сылысь скӧрсьыс-скӧр войтырсӧ бырӧдны Египет му. Найӧ перъясны ассьыныс шыпуртнысӧ, уськӧдчасны Египет вылӧ да тыртасны Египет му виӧмаясӧн.

Иов 37:9

Лунвывсянь кыпӧдчӧ бушков, войвывсянь пӧльтӧ кӧдзыд тӧв.

Исай 5:28

Налӧн ньӧвъясыс ёсьӧсь, ньӧввужъясыс зэвтчӧмаӧсь, налӧн вӧв кок гыжъясыс биа из кодьӧсь, тарантасъясыс тӧвныр кодьӧсь.

Езекиль 1:4

Ме аддзи, мый войвывсянь кыпӧдчис ён тӧвныр. Сійӧ локтіс ыджыд кымӧрӧн да сявкйысь чардбиӧн. Кымӧрыс ставнас югъяліс-дзирдаліс.

Езекиль 38:9

а тэ тӧвныр моз уськӧдчан на вылӧ. Тэнад тышкайӧзыд да тэкӧд локтысь войтыръяс кымӧр моз вевттясны став мусӧ.

Исай 13:13

Енэжсӧ Ме вӧрзьӧда, и муыс вешъяс аслас местаысь. Тадзи лоӧ Господь Саваофлӧн ярлуныс вӧсна Сылӧн скӧралан лунӧ.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 14:14

Ме кыпӧдча кымӧръясысь вылӧджык на, лоа Медвылысса Ен кодь!»

Исай 47:1

– Вавилон ныв, лэччы да пуксьы му вылас, пукав му вылас, калдея войтырлӧн ныв, ӧд юралан пуклӧсыд тэнад абу нин. Водзӧ оз нин шуны, мый тэ мелі да шань войтыр.

Еремей 51:1

Господь тадзи висьталӧ: – Ме кыпӧда бырӧдан тӧвныр Вавилон да сэні олысьяс вылӧ, Меным паныд сувтысьяс вылӧ.

Еремей 51:51

– Миянӧс янӧдісны, ми кылім лёкӧдӧм, миянлы лои юръяндзим, ӧд йӧз муысь локтысьяс пырисны Господьлӧн крамса вежаинъясӧ.