Исай 20:4 - Коми Библия 2023

⁴ Тадзи ассурса ӧксы нуӧдас Египетысь да Эфиопияысь пленӧ босьтӧмаясӧс. Томъясӧс и пӧрысьясӧс нуӧдасны дзик пасьтӧг-кӧмтӧг, медым янӧдны Египетӧс.

Исай 20:4 Referans Kwoze

Исай 19:4

Ме сета египетсаясӧс чорыд сьӧлӧма юралысь киӧ, скӧр ӧксы кутас ыджыдавны на вылын, – висьталӧ Ыджыдыс, Господь Саваоф.

Еремей 13:26

Таысь Ме чужӧм вылӧдзыд лэпта бӧждортӧ, медым тыдовтчас тэнад яндзимыд.

Еремей 13:22

Ас пытшкад тэ шуан: «Мыйысь менӧ суис тайӧ?» Тэнад лыдтӧм-тшӧттӧм мыжъясыд вӧсна лэптісны тэнсьыд бӧждортӧ, мырдӧналісны-янӧдісны тэнӧ.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.

Микей 1:11

Петӧй карсьыныд, Шафирын олысьяс, пасьтӧгныд петӧй, янӧдӧмаӧн мунӧй. Цаананын олысьяслы некытчӧ пышйыны. Бет-Эцелын бӧрдӧм кылӧ, та вӧсна ті, Шафирысь петысьяс, сэтчӧ онӧ овмӧдчӧй.

Езекиль 30:18

Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Еремей 46:26

Найӧс Ме сета налысь олӧмсӧ босьтны кӧсйысьяслӧн киӧ, сета вавилонса Навукодоносор ӧксы киӧ да сылы кесъялысьяслӧн киӧ. Но та бӧрти Египетын воддза мозыс бара кутасны овны, – висьталӧ Господь.

Исай 47:3

Мед тыдовтчас тэнад куш яйыд, мед аддзасны тэнсьыд яндзимтӧ. Ме водзӧс перъя, и некодӧс ог жалит.

Исай 3:17

Таысь Господь кушӧдз шырас сионса нывъяслысь юрнысӧ, Сійӧ янӧдас найӧс.

Ӧксыяслӧн 2 небӧг 10:4

Ханун босьтіс Давидлысь кесйӧгъяссӧ, быдӧнлысь шырис тош джынсӧ да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.

Исай 47:2

Кутчысь изкиӧ да пызьӧдз из тусьсӧ. Шыбит вевттьӧдтӧ, кусыньт бӧждортӧ, восьт кокчӧртӧ да вудж ва вомӧн.

Еремей 46:19

Чукӧрт ассьыд кӧлуйтӧ, Египет ныв, дасьтысьӧй мунны пленӧ, Египетын олысьяс! Ӧд Мемфис лоӧ овтӧминӧн, сэні оз коль олысьыс.

Амос 9:7

– Израиль войтыр, Меным ті ӧткодьӧсь Эфиопия войтыркӧд, – висьталӧ Господь. – Израильӧс Ме петкӧді Египет муысь, филистимсаӧс – Кафторысь, арамейясӧс – Кирысь.

Наум 3:10

Но сійӧс тшӧтш нуӧдісны пленӧ, сылысь кагаяссӧ виисны туйвежъясын, сылӧн нималана йӧзыс вӧсна пудъясисны, став сылысь тӧдчана йӧзсӧ дорисны чепъясӧн.

Софоний 2:12

Ті, Эфиопия войтыр, куланныд Менам шыпуртысь.

1 Каднебӧг 19:4

Ханун босьтіс Давидлысь кесйӧгъяссӧ, шырис найӧс да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.

Исай 31:2

Но Господьлӧн мывкыдлуныс ыджыд. Сійӧ мӧдӧдас сьӧкыдлун, Ассьыс кывсӧ оз веж. Сійӧ сувтас лёк вӧчысьяслы паныд да налы паныд, кодъяс отсалӧны мыж вӧчысьяслы.

Исай 31:3

Египетсаяс – йӧз, абу Ен, налӧн вӧвъясыс – вир-яй, абу лов. Господь лэптас Ассьыс кисӧ, и отсӧг сетысьяс крукасясны, а кодлы отсалісны, найӧ тшӧтш усясны – ставныс ӧтвылысь куласны.