Исай 2:20 - Коми Библия 2023

²⁰ Сійӧ лунӧ мортыс босьтас зарниысь да эзысьысь вӧчӧм идолъясӧс, кодъясӧс сійӧ вӧчис копрасьӧм вылӧ, да шыбитас найӧс вурдысьяслы да борда шыръяслы.

Исай 2:20 Referans Kwoze

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Исай 31:7

Сійӧ лунӧ ті ставныд шыбитанныд ассьыныд эзысь да зарни идолъяснытӧ, мыжа киӧн вӧчӧмторъяснытӧ.

Осий 14:8

Израиль войтыр бара овмӧдчас олив пуяслӧн вуджӧр улӧ, найӧ пондасны быдтыны нянь, кутасны дзоридзавны виноград моз, нимавны ливанса вина моз.

Исай 46:6

Идолъяслы юрбитысьяс перйӧны зепсьыныс зарни, веситӧны вески вылын эзысь, медалӧны вӧчасьысьӧс, и сійӧ вӧчӧ таысь енмӧс. Сэсся найӧ уськӧдчӧны муас, копрасьӧны асланыс енлы.

Исай 46:1

Усис Вил, муас усис Нево, тайӧ идолъяссӧ кыскӧны ас выланыс мудзӧм пемӧсъяс, бӧлбанъясныд сьӧктӧдӧны найӧс.

Левит 11:19

аистӧс, быдсикас цапляӧс, крукыль ныра сизьӧс да нярбордъя шырӧс.

Лука 23:30

Сэки шуасны керӧсъяслы: ”Усьӧй миян вылӧ!” Мылькъяслы шуасны: ”Вевттьӧй миянӧс!”

Исай 17:8

Сійӧ оз нин видзӧд аслас киӧн вӧчӧм висьпуктанінъяс вылӧ, оз нин кыпӧд синсӧ аслас киӧн вӧчӧм юрбитан пуяс да тшынӧдчан висьпуктанінъяс вылӧ.

Исай 40:19

Серпасалысь сывдӧ бӧлбанӧс, вӧчасьысь эжӧ сійӧс зарниӧн, вӧчӧ сылы эзысь чепторъяс.

Езекиль 7:19

Найӧ эзысьнысӧ ывлаӧ шыбитасны, зарнинысӧ пежӧн лыддясны. Господьлӧн скӧралан лунӧ эзысь ни зарни оз мезды найӧс, ӧд эзысь-зарнитӧ он сёй, кынӧмтӧ наӧн он пӧткӧд. Буретш эзысь-зарниӧ найӧ крукасисны, мыжас вӧйисны.

Езекиль 14:6

Та вӧсна шу Израиль войтырлы, мый Господь Ыджыдыс тадзи висьталӧ: бергӧдчӧй Ме дінӧ, эновтӧй идолъяснытӧ, кольӧй зывӧкторъяснытӧ.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Олӧм 35:4

Йӧзыс ваялісны вӧчӧм енъяссӧ да пельсьыныс перъялӧм исерганысӧ Яковлы. Ставсӧ тайӧс Яков гуаліс сикемдорса тупу улӧ. [Эз висьтав некодлы, и весиг ӧніӧдз оз тӧдны, кӧні тайӧ ставыс.]

Еклесиаст 3:6

эм кад корсьны и воштыны, видзны и шыбитны,

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.