Исай 19:5 - Коми Библия 2023

⁵ Саридзын ваыс ямас, юын ваыс чинас да косьмас.

Исай 19:5 Referans Kwoze

Еремей 51:36

Та вӧсна Господь тадзи висьталӧ: – Ерусалимын олысьяс, Ме доръя тіянӧс, водзӧс перъя тіян вӧсна, Ме косьта вавилонсаяслысь юяссӧ, косьта налысь ва петанінъяссӧ.

Езекиль 30:12

Нил юсӧ Ме косьта, а Египет му сета лёк йӧзлӧн киӧ. Йӧз муысь локтысьяс киӧн Ме кушта мусӧ да ставсӧ, мый сэні эм. Тайӧс висьтала Ме, Господь.

Закар 14:18

Египет войтыр кӧ оз лок Ерусалимӧ, налы тшӧтш Господь оз сет зэрсӧ. Господь мыждас найӧс мукӧд войтыръясӧс моз, кодъяс оз локны пасйыны Чом вӧчан лунъяс.

Закар 10:11

Найӧ вуджасны саридзті сьӧкыдыслӧн топӧдӧмысь, найӧ пасьвартасны саридзлысь гыяссӧ, Нил ю кушӧдз косьмас. Ассурлысь вылӧ кыпӧдчӧмсӧ лоӧ улӧ лэдзӧма, Египетлысь ыджыдалан вынсӧ лоӧ мырддьӧма.

Иов 14:11

Тыясысь ваыс бырӧ, юяс ямӧны да косьмӧны,

Исай 15:6

Нимримысь ваыс бырӧма, видзьясыс косьмӧмаӧсь, туруныс сотчӧма, оз тыдав веж быдмӧгыс.

Исай 23:11

Господь нюжӧдіс Ассьыс кисӧ саридз весьтӧ да пыркнитіс войтыръясӧс. Господь тшӧктіс жугӧдны Ханаанлысь изкаръяссӧ.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 37:25

Ме кодйи юкмӧсъяс да юи сэтысь васӧ, ме восьлалі египетса юясӧд, и найӧ косьмисны”.