Исай 18:2 - Коми Библия 2023

² Сійӧ мӧдӧдӧ йӧзсӧ саридз вывті, юсьпӧлянысь вӧчӧм пыжъясӧн ваяс вывті. Тэрыб кокаяс, нуӧй юӧр, мунӧй ён вына войтыр дінӧ, ыджыд тушаа йӧз дінӧ, кодъяслысь юрсисӧ да тошсӧ шырӧма. Тайӧ войтырсьыс быдлаын полӧны, найӧ ставнысӧ нартитӧны. Налысь мусӧ вожӧдӧны юяс.

Исай 18:2 Referans Kwoze

Исай 18:7

Сэки Господь Саваофлы ваясны козинъяс ён вына да збой войтырсянь, ыджыд тушаа йӧзсянь, кодъясысь быдлаын полӧны, кодъяс ставнысӧ нартитӧны, кодъяслысь мусӧ вожӧдӧны юяс. Козинъяссӧ ваясны Сион керӧс вылӧ, Господь Саваофлӧн оланінӧ.

2 Каднебӧг 16:8

Эфиопияса да ливияса тышкайӧзлӧн вӧлі лыдтӧм-тшӧттӧм тарантас да верзьӧма, но Господь сетіс найӧс тэнад киӧ, ӧд тэ лача кутін Господь вылӧ.

2 Каднебӧг 14:9

Налы паныд тышӧ петіс Эфиопияысь Зерах. Сылӧн вӧлі миллион тышкаморт да куимсё тарантас. Кор сійӧ матыстчис Мареша кар дорӧ,

Езекиль 30:9

Сійӧ лунӧ корабльяс вылын мӧдӧдчасны Менам юӧр вайысьяс, медым повзьӧдны повтӧг олысь эфиопияса войтырӧс. Найӧ весьӧпӧрасны Египетӧс бырӧдан лунӧ, мый регыд нин лоӧ.

Петӧм 2:3

Но кор дзеблавнысӧ эз нин вермы, босьтіс юсьпӧлянысь кыӧм куд, мавтіс кудсӧ медводз сьӧд сирӧн, а сэсся пу сирӧн. Кагасӧ пуктіс кудйӧ, нуис кудсӧ Нил ю бокӧ да лэдзис ваӧ эжӧр пиӧ.

Лука 10:19

Со, Ме сета тіянлы вын талявны змейясӧс, скорпионъясӧс да омӧльыслысь став вынсӧ, и тіянӧс нинӧм оз дойд.

Иов 9:26

тӧвзьӧны кокньыд пыж моз, кыйдӧс вылӧ уськӧдчысь кутш моз.

Еремей 49:14

– Ме кывлі Господьсянь, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чукӧртчӧй, петӧй тышӧ, уськӧдчӧй Эдом вылӧ!»

Авдий 1:1

Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»

Аввакум 1:7

Тайӧ войтырыс лёксьыс-лёк, сыысь ставныс полӧны, сійӧ – бӧръя кывсӧ шуысь, сійӧ вӧчӧ, мый кӧсйӧ.