Исай 16:2 - Коми Библия 2023

² Арнон ю вуджигӧн моавса нывъяс лоӧны пышйысь лэбачьяс кодьӧсь, позсьыныс шыбитӧмаяс кодьӧсь.

Исай 16:2 Referans Kwoze

Шусьӧгъяс 27:8

Чужанінсӧ кольысь мортыд позсӧ эновтысь лэбач кодь.

Ёрдысьяс 11:18

Сэсся войтырыс муніс овтӧминӧд, Эдом да Моав муясӧ эз пырав, но матыстчис Моав му дінӧ асывладорсяньыс. Сэні израильсаяс сувтісны чомъяснаныс Арнон ю бокӧ. Арнон ю вомӧн найӧ эз вуджны да Моав муӧ эз пырны.

Еремей 48:20

Моавӧс пазӧдӧма да янӧдӧма. Сыркъялӧмӧн бӧрдӧй, юӧртӧй Арнон ю бокын, мый Моавӧс пазӧдӧма-куштӧма.

Исай 13:14

Сэки пышйысь газель моз, эновтӧм ыжъяс моз быдӧн бергӧдчас аслас войтыр дінӧ, котӧртас аслас муӧ.

Нав Исус 13:16

му Арнон ю бокын сулалысь Ароэр карсянь да Арнон ковтыс шӧрын сулалысь карсянь войвылӧ, тшӧтш Медева вывтасін,

Индӧд 3:12

«Сэки ми босьтім Арнон ю бокын сулалысь Ароэр карсянь войвылӧ паськӧдчӧм му. Тайӧ мусӧ да Галаад керӧсвыв му джынсӧ сэтчӧс каръяснас ме сеті Рувим да Гад чужанкотыръяслы.

Индӧд 3:8

Сійӧ кадас ми босьтім аморейяслӧн кык ӧксылысь мусӧ Йӧрдан ю таладорысь, Арнон юсянь Ермон керӧсӧдз.

Индӧд 2:36

Ковтысын сулалысь карсянь да Арнон ю бокын сулалысь Ароэр карсянь Галаад керӧсвыв муӧдз став карсӧ ми босьтім аслыным. Господь, миян Енным, ставсӧ сетіс миян киӧ.

Лыд 21:29

Курыд шог тэныд, Моав! Тэнӧ, Кемош идоллӧн войтыр, лоӧ бырӧдӧма. Тэнад пияныд пышйисны, тэнсьыд нывъястӧ аморейяслӧн Сигон ӧксы нуӧдіс пленӧ.

Ӧксыяслӧн 4 небӧг 3:4

Моавса Мешай нима ӧксылӧн вӧлі зэв уна ыж-меж. Сійӧ ыстыліс вот пыдди израильса ӧксылы сё сюрс баля да сё сюрс шыртӧм меж.

Шусьӧгъяс 26:2

Кыдзи пышкай жбыркнитӧ, кыдзи джыдж лэбзьӧ – тадзи нинӧм абусьыс ёрӧмыс вешйӧ тэ дінысь.

Еремей 48:9

Сетӧй Моавлы бордъяс, медым вермис лэбзьыны. Сылӧн каръясыс лоӧны овтӧминӧн, сэні оз коль олысьыс.

Еремей 48:46

Курыд шог тэныд, Моав, Кемош идоллӧн войтырлы воис пом, тэнсьыд ныв-питӧ босьтӧма пленӧ.