Исай 16:12 - Коми Библия 2023

¹² Моавсаяс кайӧны вись ваян мыльк вылӧ, сэні мудзтӧдзныс копрасьӧны-юрбитӧны, найӧ локтӧны асланыс вежаинӧ кевмысьны, но тайӧ оз отсав налы.

Исай 16:12 Referans Kwoze

Исай 15:2

Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Еремей 48:35

Ме бырӧда моавсаясӧс, кодъяс вись вайӧны мылькъяс вылын да тшынӧдчӧны асланыс енъяслы, – висьталӧ Господь.

Ӧксыяслӧн 3 небӧг 18:29

Луншӧр кадсянь рытъя вись ваян кадӧдз найӧ этшсьыс петмӧн горзісны. Но некод эз вочавидз. [Тишбиса Илля шуис Вааллӧн пророкъяслы: «Вешйӧй. Ӧні ме кута вись вайны». Мӧдъясыс ланьтӧмӧн вешйисны.]

Лыд 23:28

Валак нуӧдіс Валаамӧс Пеор керӧс йылӧ. Тайӧ керӧсыс видзӧдіс овтӧминлань.

Лыд 23:14

Валак нуӧдіс Валаамӧс Фасга керӧс йылӧ, кысянь ылӧдз тыдаліс. Сэні лэптіс сизим висьпуктанін да быд висьпуктанін вылын вайис вись пыдди ӧшкӧс да межӧс.

Лыд 22:39

Валаам муніс Валаккӧд Киръят-Хуцотӧ.

Еремей 48:46

Курыд шог тэныд, Моав, Кемош идоллӧн войтырлы воис пом, тэнсьыд ныв-питӧ босьтӧма пленӧ.

Еремей 48:13

Моав яналас Кемош идол вӧсна, кыдзи Израиль яналіс Вефиль вӧсна, мый вылӧ лачасӧ кутіс.

Еремей 48:7

Моав, тэ лача кутін уджъясыд да озырлуныд вылӧ, та вӧсна вӧрӧг кытшалас-босьтас тэнӧ. Кемош идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 10:5

Бӧлбанъяс – град йӧрын сулалысь повзьӧдчанторъяс кодьӧсь, сёрнитны оз вермыны. Найӧс новлӧдлӧны, ӧд асьныс ветлыны оз вермыны. Энӧ полӧй наысь, ӧд лёксӧ вӧчны найӧ оз вермыны, и бурсӧ вӧчны тшӧтш оз вермыны.

Исай 47:13

Тэ мудзӧмыд нин помтӧм туйдӧдӧмысь. Сідзкӧ, мед локтасны енэжсӧ туялысь-видзӧдысьяс да кодзув серти туналысьяс, выль тӧлысь серти найӧ мед висьталасны тэныд лоанасӧ. Мед найӧ мездасны тэнӧ сыысь, мый шуӧма лоны тэкӧд.

Исай 37:38

Кор Сеннахирим юрбитіс аслас Нисрох нима енлӧн крамын, сылӧн Адрамелек да Сарецер пияныс виисны сійӧс шыпуртӧн. Сэсся найӧ пышйисны Арарат муӧ. Сеннахирим пыдди ӧксыӧ пуксис сылӧн Асардан пиыс.

Исай 26:16

Господьӧй, сьӧкыдсӧ нуигӧн Тэнад войтырыд корсьысисны Тэнӧ. Кор Тэ мыждылін найӧс, найӧ ышлолалӧмӧн кевмысьлісны Тэныд.

Шусьӧгъяс 1:28

Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.

Ӧксыяслӧн 4 небӧг 19:12

Мукӧд войтыръясӧс ӧмӧй мездісны налӧн енъясыс? Менам батьяс бырӧдісны налысь Гозан, Харан да Рецеф каръяс, тшӧтш Телассар муысь Эден карын олысьясӧс.

Ӧксыяслӧн 4 небӧг 3:27

Сэки босьтіс ассьыс медыджыд писӧ, кодлы вуджӧ вӧлі ӧксыалӧмыс, да карса стен вылын сотіс сійӧс вись пыдди. Тайӧ лоӧмторйыс ёна скӧрмӧдіс израильсаясӧс. Найӧ эновтісны моавсаясӧс да бӧр локтісны асланыс муӧ.

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Лыд 22:41

Мӧд асывнас Валак босьтіс аскӧдыс Валаамӧс. Найӧ кайисны Вамот-Ваал керӧс вылӧ, кысянь Валаамлы тыдалісны Израиль войтырлӧн медматысса чомъясыс.

Лыд 21:28

Сигонлӧн Хешбон карысь ыпнитіс-петіс би, ньылыштіс Ар-Моав, сотіс найӧс, кодъяс ыджыдалісны Арнон мылькъяс вылын.

Исай 16:13

Тадзи Господь водзвыв висьталіс Моав йылысь.