Исай 15:4 - Коми Библия 2023

⁴ Ырзӧмӧн бӧрдӧны Хешбон да Эляле, налӧн бӧрдӧмыс кылӧ Яхацӧдз. Таысь полӧмнысла горзӧны моавса тышкайӧз, налӧн сьӧлӧмныс тіралӧ.

Исай 15:4 Referans Kwoze

Еремей 48:34

Хешбонсянь Элялеӧдз бӧрдӧны моавсаяс, бӧрдӧм шыыс кылӧ Яхацӧдз, Цоарсянь Хоронаимӧдз да Эглат-Шелишияӧдз кылӧ горзӧм шы, ӧд весиг Нимрим юысь ваыс бырас.

Восьтӧм 9:6

Сійӧ лунъясӧ йӧзыс кутасны корсьны кулӧмсӧ, но оз аддзыны, кӧсъясны кувны, но кулӧмыс пышъяс на дінысь.

Иона 4:8

А кор петіс шонді, Ен ыстіс чизыр асыв тӧв. Шонді пӧжис Ионалысь юрсӧ. Сійӧ дзикӧдз лёшмуніс да виччысис кулӧм. Иона шуаліс: «Бурджык меным кувны олӧм дорысь».

Иона 4:3

Та вӧсна, Господьӧй, босьт менсьым лолӧс – бурджык меным кувны олӧм дорысь».

Еремей 20:18

Мыйла ме петі мам кынӧмысь? Сы могысь ӧмӧй, медым аддзыны мырсьӧм да шог, медым олан лунъясӧй помасисны яналӧмӧн?

Еремей 8:3

А тайӧ лёк йӧз пӧвстсьыс ловйӧн кольӧмаяслы кулӧмыс лоӧ мусаджык олӧм дорсьыс. Тадзи лоӧ быдлаын, кытчӧ Ме вӧтла найӧс, – висьталӧ Господь Саваоф».

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Ёрдысьяс 11:20

Но Сигон эз лэдз мунны Израиль войтырлы аслас муӧд. Мӧдарӧ, сійӧ чукӧртіс ассьыс йӧзсӧ, сувтӧдіс найӧс Яхац кар дорӧ да петіс израильсаяслы паныд тышӧ.

Нав Исус 13:18

Яхац, Кедемот, Мефат,

Индӧд 2:32

Яхацӧ воӧм бӧрын Сигон ӧксы став аслас тышкайӧзыскӧд петіс тышӧ миянлы паныд.

Лыд 21:23

Но Сигон эз лэдз Израиль войтырлы мунны аслас муӧд. Сійӧ чукӧртіс ассьыс войтырсӧ да мӧдӧдчис овтӧминӧ. Яхацӧ воӧм бӧрын сійӧ петіс тышӧ Израильлы паныд.

Лыд 11:15

Татшӧм олӧм дорысь бурджык лоӧ, виан кӧ менӧ. Ло бур сьӧлӧма да ви менӧ, медым помасяс менам шогӧй!»

Олӧм 27:46

А Исаак верӧсыслы Ревекка шуис: «Тайӧ хеттей аньясыс вӧсна меным мустӧммис олӧмыс. Нӧшта кӧ Яков босьтас гӧтырӧ хеттей аньӧс, весиг ог кӧсйы овнысӧ!»

Лыд 21:28

Сигонлӧн Хешбон карысь ыпнитіс-петіс би, ньылыштіс Ар-Моав, сотіс найӧс, кодъяс ыджыдалісны Арнон мылькъяс вылын.

Еремей 48:21

Мыждӧмыс суис вывтасінын сулалысь Холон, Яхац да Мефат каръясӧс,