Biblia Todo Logo
Bib sou entènèt

- Piblisite -




Исай 15:2 - Коми Библия 2023

2 Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Gade chapit la Kopi




Исай 15:2
34 Referans Kwoze  

Господь Саваоф, Израильлӧн Ен, Моав йылысь тадзи висьталӧ: – Курыд шог Неволы, сійӧс куштӧма-пазӧдӧма! Киръятаимӧс янӧдӧма, сійӧс кытшалӧма-босьтӧма, сылысь изкарсӧ янӧдӧма, жугӧдӧма-пазӧдӧма.


Поп мед юрсисӧ оз шыр, тошсӧ оз тшӧтшӧд, вир-яйсӧ оз вундав.


Дивонын олысьяс, лэччӧй нималана пукаланінсьыныд, пуксьӧй косьмӧм му вылӧ, ӧд Моавӧс пазӧдысь уськӧдчас тіян вылӧ да бырӧдас изкаръяснытӧ.


Сион, тэнад айуловыд куласны шыпуртысь, тэнад тышкайӧзыд усясны тышын.


Мӧисей кайис Моав ласта вывсянь Нево керӧсвывса Фасга йылӧдз, мый Ериконлы воча. Сэтысянь Господь петкӧдліс сылы став мусӧ Галаадсянь Данӧдз,


Но ми лыйлім аморейясӧс ньӧвъясӧн, Хешбон карсянь Дивон карӧдз ставнысӧ виалім, Медева кардорса Нофаӧдз ставнысӧ бырӧдім.


Найӧ пасьталасны шогалан паськӧм, бритасны юрнысӧ. Полӧм-тіралӧм босьтас найӧс, яндзим вевттяс чужӧмнысӧ.


Та вӧсна Ме бӧрда Моав вӧсна, сыркъялӧмӧн бӧрда моавса войтыр вӧсна, шогсьӧмӧн горза Кир-Харешетын олысьяс вӧсна.


Газа шырас ассьыс юрсисӧ, Аскалонын олысьясӧс лоӧ бырӧдӧма, лоӧ бырӧдӧма енак войтырлысь коляссӧ. Дыр-ӧ на ті кутанныд пуртӧн вундавны вир-яйнытӧ?


Сион, шыр ассьыд юрситӧ да шыбит, сыркъялӧмӧн бӧрд изъя керӧсъяс вылын, ӧд Господь ӧтдортіс да эновтіс тайӧ войтырсӧ, коді скӧрмӧдіс Сійӧс.


Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.


Моавсаяс кайӧны вись ваян мыльк вылӧ, сэні мудзтӧдзныс копрасьӧны-юрбитӧны, найӧ локтӧны асланыс вежаинӧ кевмысьны, но тайӧ оз отсав налы.


Та вӧсна Моавлы ковмас бӧрдны ас вӧснаыс, моавсаяс ставныс бӧрдӧны. Кир-Харешетын ті чукӧртлінныд-косьтылінныд виноград, тайӧс воштӧм вӧсна ӧні ті бӧрданныд.


Найӧ ветлӧны туй вывті шогалан паськӧмӧн, пукалӧны керка вевт вылын да бӧрдӧны, пукалӧны изэрд вылын да бӧрдӧны, бӧрдӧны кыз синваӧн.


Сыркъялӧмӧн бӧрдӧй дзиръя дорын, ырзӧмӧн бӧрдӧй, карын олысьяс! Филистим му, тэ ставнас киссян! Войвывсянь кыптӧ тшын – локтӧны тышкайӧз, и некод на пиысь оз кольччы.


Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.


«Ті – Господь Енлӧн ныв-пиыс. Кулӧм морт вӧсна шогсигӧн энӧ вундалӧй вир-яйнытӧ да энӧ шырӧй плеш водзсьыд юрсинытӧ.


да Сивма каръяс, нӧшта Нево да Ваал-Меон каръяс, кодъяслысь нимъяссӧ вежисны.


«Господь пасьвартіс Атарот, Дивон, Язер, Нимра, Хешбон, Эляле, Севам, Нево да Веон каръяс, и мусӧ сетіс Израиль войтырлы. Сэтчӧс йирсянінъясыс бурӧсь, а миян, тэнад кесйӧгъяслӧн, уна ыж-мӧсным.


Кушмӧм юр пыдӧса морт сӧстӧм.


Сигонлӧн Хешбон карысь ыпнитіс-петіс би, ньылыштіс Ар-Моав, сотіс найӧс, кодъяс ыджыдалісны Арнон мылькъяс вылын.


Ханун босьтіс Давидлысь кесйӧгъяссӧ, быдӧнлысь шырис тош джынсӧ да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.


Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.


– Господь тадзи висьталӧ: Войвывсянь бузгӧ-кыпӧдчӧ ва, сійӧ лоӧ ытва кодь, сійӧ ойдӧдас мусӧ да ставсӧ, мый сэні эм, ойдӧдас каръяс да сэні олысьяссӧ. Филистим муын олысьяс кутасны горзыны, ставныс кутасны сыркъявны-бӧрдны.


Ме бырӧда моавсаясӧс, кодъяс вись вайӧны мылькъяс вылын да тшынӧдчӧны асланыс енъяслы, – висьталӧ Господь.


Юрнысӧ тэ вӧсна кушӧдз шырӧны, пасьталӧны шогалан паськӧм, курыда бӧрдӧны.


«Морт пиӧй, пророкав. Шу, мый Господь Ыджыдыс тадзи висьталӧ: ырзӧмӧн бӧрдӧй локтан лун йылысь,


Гажӧдчӧмнытӧ бергӧда шогсьӧмӧ, сьыланкывъястӧ – бӧрдӧмӧ. Ставнытӧ пасьтӧда шогалан паськӧмӧ, юрсинытӧ лоӧ шырӧма. Бӧрдӧмныд лоӧ ӧтка пи вӧсна бӧрдӧм кодь, тайӧ луныс лоӧ курыд шогӧн.


Ханун босьтіс Давидлысь кесйӧгъяссӧ, шырис найӧс да улісяньыс коскӧдзыс вундіс налысь паськӧмнысӧ шӧрипельӧ. Сэсся бӧр ыстіс найӧс.


Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.


Swiv nou:

Piblisite


Piblisite