Исай 13:6 - Коми Библия 2023

⁶ Ырзӧмӧн бӧрдӧй, ӧд Господьлӧн луныс матын нин, сійӧ локтӧ Ставсӧвермысьсянь да бырӧдӧ ставсӧ.

Исай 13:6 Referans Kwoze

Йоиль 1:15

Повзьӧдана лун миянӧс виччысьӧ, Господьлӧн луныс матын, Ставсӧвермысьсянь сійӧ локтас, медым бырӧдны.

Софоний 1:7

Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.

Амос 5:18

Курыд шог сылы, коді Господьлысь лунсӧ виччысьӧ! Бур вылӧ-ӧ тіянлы Господьлӧн луныс лоӧ? Сійӧ пемыд лоӧ, оз югыд.

Исай 13:9

Господьлӧн мыждан луныс локтӧ ыджыд лӧглунӧн да ыпъялан скӧрлунӧн, медым вӧчны мусӧ овтӧминӧн да бырӧдны му вылысь мыжаясӧс.

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Еремей 51:8

Но виччысьтӧг Вавилон усис-киссис. Сыркъялӧмӧн бӧрдӧй сы вӧсна, вайӧй бурдӧдчан вый, медым бурдӧдны сылысь дойяссӧ, гашкӧ, сійӧ бурдас.

Исай 34:8

Ӧд воис Господьлӧн мыждан луныс, Сион вӧсна водзӧс перъян воыс.

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Яков 5:1

Ӧні висьтала тіянлы, озыръяс: сыркъялӧмӧн бӧрдӧй, ӧд тіянӧс суасны шогъяс.

Малакий 4:5

Господьлӧн ыджыд да повзьӧдана луныс вотӧдз Ме ыста тіян дінӧ Илля пророкӧс.

Софоний 1:14

Матын нин Господьлӧн торйӧдӧм луныс, сійӧ матын нин, регыд воас. Кыланныд-ӧ, мый Господьлӧн луныс воӧ нин? Весиг медся повтӧм тышкамортыс курыда бӧрддзас.

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Йоиль 1:5

Садьмӧй, кодалысьяс, ырзӧмӧн бӧрдӧй, сыркъялӧмӧн бӧрдӧй, вина юысьяс, ӧд босьтӧма тіян вомдорысь винанытӧ.

Исай 14:31

Сыркъялӧмӧн бӧрдӧй дзиръя дорын, ырзӧмӧн бӧрдӧй, карын олысьяс! Филистим му, тэ ставнас киссян! Войвывсянь кыптӧ тшын – локтӧны тышкайӧз, и некод на пиысь оз кольччы.

Иов 31:23

Енлӧн ыджыдалан выныс водзын ме эськӧ эг вермы сулавны, но ме пола Сылӧн мыждӧмысь.

Йоиль 1:11

Шогсьӧй, нянь быдтысьяс, бӧрдӧй, виноград йӧрын уджалысьяс. Шобді да ид нянь кулӧма,

Езекиль 21:12

Горзы, бӧрд, морт пиӧй, ӧд шыпуртыс кыпӧдчис Менам войтырӧй весьтӧ да израильса юралысьяс весьтӧ. Юралысьясӧс войтырӧйкӧд шыпурт улӧ сетӧма. Та вӧсна шогыдла кучкав морӧсад.

Еремей 49:3

Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Исай 65:14

Менам кесйӧгъясӧй пондасны нимкодясьны, а тіянлы лоӧ юръяндзим. Менам кесйӧгъясӧй пондасны сьывны, налӧн сьӧлӧмныс тырас ыджыд нимкодьлунӧн, а ті понданныд горзыны шогсьӧмныдла, понданныд бӧрдны лов топӧдӧмысь.

Исай 52:5

А ӧні мый Ме аддза? – висьталӧ Господь. – Менсьым войтырӧс босьтісны дон мынтытӧг, налӧн юралысьясыс бӧрдӧны, – висьталӧ Господь. – Менсьым нимӧс быд лун омӧльтӧны.

Исай 23:1

Тир йылысь водзвыв висьталӧм. Ырзӧмӧн бӧрдӧй, фарсисса корабльяс! Карыс киссьӧма, эз кольны керкаяс. Та йылысь ті кылінныд Киттим муысь бергӧдчигӧн.

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Исай 10:25

Но регыд нин, вывті регыд Менам лӧглунӧй тіян вылӧ кусас. Менам скӧрлунӧй бергӧдчас Ассур вылӧ, медым бырӧдны сійӧс.

Исай 14:23

Ме вӧча сійӧс ёжъяслы оланінӧн да нюрӧн, чышкышта сійӧс бырӧдан роскӧн, – висьталӧ Господь Саваоф.

Исай 34:2

Господь скӧрмӧма став войтыръяс вылӧ, Сійӧ лӧгалӧ налӧн тышкайӧз вылӧ. Господь шуис дзикӧдз бырӧдны найӧс, лэдзис найӧс начкыны.

Исай 47:11

Но тэнӧ суас лёкыс, тэ весиг он тӧдлы, кытысь сійӧ локтас. Тэнӧ кытшалас ыджыд шог, тэ он вермы сійӧс вештыны. Виччысьтӧг тэнӧ суас бырӧдӧм, мый йылысь тэ весиг эн мӧвпыштлы.

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Езекиль 13:5

Найӧ эз кыпӧдчывны дзоньтавны стенлысь киссьӧминсӧ, медым Господьлӧн лунӧ тыш дырйи Израиль войтыр гӧгӧр стенмыс зумыда сулаліс.

Даниил 5:9

Валтасар ӧксы ёна повзис, весиг чужӧмыс вежсис. Сылӧн чина йӧзыс тшӧтш шӧйӧвошисны.

Даниил 5:26

Тайӧ кывъясыслӧн вежӧртасыс татшӧм: ”Мене” – Енмыс арталіс тэнсьыд юралан лунъястӧ да пуктіс налы пом.

Закар 14:1

Господьлӧн луныс кор воас, тэнсьыд мырддьӧм эмбуртӧ, Ерусалим, юкласны тэ дырйи.

Исай 63:4

Ме инді водзӧс перъян лун, матыстчис Менсьым войтырӧс мездан воыс.

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.