Исай 13:4 - Коми Библия 2023

⁴ Керӧсъяс вылын кылӧ гора шы, сійӧ уна йӧзлӧн ызгысь шы кодь, кылӧ ӧтвыв чукӧртчӧм войтыръяслӧн шы. Господь Саваоф чукӧртӧ Ассьыс тышкайӧзсӧ.

Исай 13:4 Referans Kwoze

Йоиль 3:14

Унасьыс-уна йӧз чукӧртчӧма мыждан ковтысӧ, ӧд Господьлӧн луныс матыстчӧ ковтыслань.

Йоиль 2:25

Ме вештыся тіянлы сійӧ вояссьыс, кор Ме ыстылі тіян вылӧ саранча, чиркъясӧс, гагъясӧс да лёльӧясӧс, медым тайӧ ыджыд тышкачукӧрыс сёйис быдтаснытӧ.

Восьтӧм 18:8

Та вӧсна ӧти лунӧ суас сійӧс став бырӧданторйыс: кулӧмыс, шогыс да тшыгъялӧмыс. Сійӧс сотасны биын, ӧд Господь Ен, сійӧс Мыждысьыс, – вына!

Исай 5:26

Господь кыпӧдас дӧрапас да чукӧстас войтыръясӧс ылі муясысь, Сійӧ чукӧстас му помын олысьясӧс, и найӧ кокньыда да тэрыба локтасны.

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Исай 17:12

Курыд шог! Войтыръяслӧн шызьӧм кылӧ, найӧ шызьӧны саридз моз. Войтыръяслӧн горзӧм кылӧ, найӧ ызгӧны бузгысь ва моз.

Исай 48:14

Чукӧртчӧй ставныд да кывзӧй! Коді на пӧвстысь водзвыв висьталіс та йылысь? Господь радейтӧ сійӧ мортсӧ, коді збыльмӧдас Господьлысь кӧсйӧмсӧ Вавилон йылысь, петкӧдлас Сылысь вынсӧ калдея войтыр вылын.

Еремей 21:4

мый Господь, Израильлӧн Ен, тадзи висьталӧ: тіянлы аслыныд паныд Ме бергӧда шыпуртъяснытӧ, мыйӧн ті тышкасянныд вавилонса ӧксылы паныд да калдеяса тышкайӧзлы паныд, кодъяс кытшалӧмаӧсь тіянӧс. Ме чукӧрта шыпуртъяснытӧ тайӧ кар шӧрас.

Еремей 25:14

Вавилонсаяслы ковмас кесъявны вына войтыръяслы да ыджыд ӧксыяслы. Тадзи Ме мынтыся налы лёк вӧчӧмсьыныс».