Исай 13:12 - Коми Библия 2023

¹² Ме бырӧда йӧзсӧ, и налӧн лыдыс лоас сорастӧм зарни дорысь на этшаджык, офирса зарни дорысь на этшаджык.

Исай 13:12 Referans Kwoze

Исай 4:1

Сійӧ лунӧ сизим ань кутчысясны ӧти айлов дінӧ да шуасны: – Ассьыным нянь кутам сёйны, ассьыным паськӧм кутам новлыны, сӧмын гӧтрась миян вылӧ – вешты миян вылысь яналӧмсӧ!

Исай 24:6

Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

Иов 28:16

сыысь он мынтысь офирса зарниӧн, сапфирӧн да дона оникс изъясӧн,

Ӧксыяслӧн 3 небӧг 9:28

найӧ кывтісны Офирӧ да вайисны сэтысь Соломон ӧксылы нёльсё кызь талант зарни.

Псалтыр 45:9

Локтӧй да видзӧдӧй Господьлысь уджъяссӧ, Сыӧн бырӧдӧм мувывса оланінъяс.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Исай 6:12

Ме вӧтла татысь йӧзсӧ, и тайӧ мусӧ лоӧ дзикӧдз эновтӧма.

1 Каднебӧг 1:23

Офир, Хавил да Иовав. Ставныс найӧ Иоктанлӧн пиян.

Исай 10:19

Сэні зэв этша кольӧ пуыс, весиг кага вермас найӧс лыддьынысӧ.