Исай 12:4 - Коми Библия 2023

⁴ Сійӧ лунӧ ті шуанныд: «Ошкӧй Господьӧс, шыасьӧй Сы дінӧ! Юӧртӧй войтыръяслы Сылӧн уджъясыс йылысь, висьтавлӧй, кутшӧм ыджыд Сылӧн нимыс.

Исай 12:4 Referans Kwoze

Псалтыр 105:1

Аллилуйя! Ошкӧй Господьӧс, ӧд Сійӧ бур, Сылӧн буралӧмыс оз помасьлы.

1 Каднебӧг 29:11

Господьӧй, Тэнад эм нималӧм, вын, дзирдлун, вермӧм да юралӧм. Ставыс, мый эм енэжас да му вылас – тайӧ Тэнад. Господьӧй, Тэ – Ӧксы, Тэ ставыс вылын Медыджыдыс.

Исай 25:1

Господьӧй, Тэ – менам Енмӧй! Ме ыдждӧдла Тэнӧ, ошка Тэнсьыд нимтӧ. Тэ вӧчин шензьӧданаторъяс, важысянь мӧвпыштӧмторъяс, Тэнад вӧчӧмторъясыд збыльӧсь да эсканаӧсь.

Иоан 17:26

Ме велӧді найӧс тӧдны Тэнсьыд нимтӧ да нӧшта на велӧда, медым Ме вӧлі на пытшкын, и медым на пытшкын вӧлі сэтшӧм жӧ муслун, кутшӧм Тэнад муслуныд Ме дінӧ».

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Псалтыр 57:5

Налӧн ядыс – змей яд кодь, найӧ тупкӧмаӧсь пельнысӧ, найӧ пельтӧм змей кодьӧсь.

Неемий 9:5

Сэсся Исус, Кадмиэл, Бани, Хашавни, Шеревий, Ходий, Шеваний да Петахий левитъяс шуисны: «Сувтӧй да ошкӧй Господьӧс, ассьыныд Ентӧ, ӧні да нэмъяс чӧж! Господьӧй, мед лоӧ кыпӧдӧма Тэнсьыд ыджыд нимтӧ! Сійӧ став ошкӧмсьыс медвылын!»

Петӧм 33:19

Господь вочавидзис Мӧисейлы: «Ме муна Аслам дзирдлунӧн тэ водзын да юӧрта тэныд, мый Менам нимӧй – Господь. Код дінӧ кӧсъя бурсьӧлӧмтчыны, бурсьӧлӧмтча. Код дінӧ кӧсъя буравны, бурала».

Петӧм 15:2

Господь – менам выныс да сьыланкывйыс, Сійӧ мездіс менӧ. Сійӧ – менам Ен, ме нимӧда Сійӧс, Сійӧ – батьӧйлӧн Ен, медвылӧ кыпӧда Сійӧс.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Исай 33:5

Господь медвылын, Сійӧ олӧ выліинын. Сион вылын Сійӧ зумыдмӧдас веськыда мыждӧм да веськыдлун.

Исай 24:15

Асыввылын олысьяс, ошкӧй Господьӧс! Саридз дорын олысьяс, ошкӧй Господьӧс, Израильлысь Енсӧ!

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 2:17

Вылӧ кыпӧдчысьясӧс лоӧ улӧ лэдзӧма, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын,

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Псалтыр 113:5

Саридз, мыйла тэ пышъян? Йӧрдан, мыйла тэ мӧдарӧ визувтан?

Псалтыр 97:9

Господь водзын, ӧд Сійӧ локтӧ мыждыны мусӧ. Сійӧ кутас веськыда мыждыны муюгыдсӧ, кутас мыждыны войтыръясӧс Аслас веськыдлуныс серти.

Псалтыр 96:3

Господь водзвылын мунӧ би, Господьӧс мустӧмтысьясӧс бырӧдӧ.

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Псалтыр 40:5

Ме шуи: «Господьӧй, ме мыж вӧчи Тэныд паныд. Ло бур сьӧлӧма ме дінӧ, бурдӧд менӧ!»

Псалтыр 34:3

Перйы Ассьыд шыпурттӧ да тупкы менӧ вӧтӧдысьяслысь туйсӧ. Шу менам ловлы, мый Тэ – менам Мездысьыс.

Псалтыр 21:13

Уна ӧш чукӧртчисны ме гӧгӧр, васанса тшӧгӧдӧм ӧшъяс кытшалісны менӧ.

Псалтыр 9:11

Тэнсьыд нимтӧ тӧдысьяс пондасны Тэ вылӧ лача кутны, ӧд Тэ, Господьӧй, он эновт Тэнӧ корсьысьясӧс.

1 Каднебӧг 16:8

– Ошкӧй Господьӧс, шыасьӧй Сы дінӧ, войтыръяс пӧвстын висьтавлӧй Сылӧн уджъясыс йылысь!

Псалтыр 148:13

Ставныс мед ошкасны Господьлысь нимсӧ, ӧд Сылӧн нимыс ставсьыныс медвылын, Сылӧн дзирдлуныс петкӧдчӧ му вылын и енэжын.

Исай 26:8

Тэнад веськыда мыждан туй вывті мунігӧн ми лача кутам Тэ вылӧ, Господьӧй, ёна кӧсъям шыасьны Тэнад нимӧ, казьтывны Тэ йылысь.

Исай 42:12

Мед кыпӧдасны ошкӧм Господьлы, мед Сійӧс ошкасны саридз дорын олысьяс!

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Псалтыр 68:5

Помкатӧг менӧ мустӧмтысьыс унджык менам юрси дорысь, менӧ дзескӧдысьяс ёнмӧдчӧны, меным ковмас сетны весиг сійӧ, мый эг босьтлы налысь.