Исай 11:4 - Коми Библия 2023

⁴ Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 11:4 Referans Kwoze

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Малакий 4:6

Сійӧ бергӧдас батьяслысь сьӧлӧмсӧ пиянлань, пиянлысь сьӧлӧмсӧ – батьяслань, медым локтігӧн Ме эг ёр да эг бырӧд мусӧ.

Иов 4:9

Енлӧн лолыштӧмысь найӧ кулӧны, Сылӧн скӧрлуна пӧльыштӧмысь бырӧны.

Матвей 5:5

Шудаӧсь рамъяс, ӧд налы вуджас кӧсйысьӧм муыс.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Яков 3:13

Эм-ӧ тіян пӧвстын мывкыда да сюсь вежӧра морт? Эм кӧ, сійӧ мед петкӧдлас ассьыс мывкыдлунсӧ рам сьӧлӧмыс да бур оласногыс пыр.

Галатӧ 5:23

рамлун, асьтӧ кутӧм. Таысь Индӧдыс оз мыжды.

Еремей 33:15

Сійӧ кадас Менам кӧсйӧм серти Давид рӧдысь петас веськыда Олысь, Сійӧ кутас веськыда вӧчны да веськыда мыждыны.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Исай 9:7

Сійӧ кутас пукавны Давидлӧн юралан пуклӧсын, Сылӧн ыджыдалӧмлы да лӧньлунлы помыс оз ло. Аслас веськыдлуннас да збыль серти мыждӧмнас Сійӧ ёнмӧдас-вынсьӧдас Ассьыс юралӧмсӧ ӧні и пыр кежлӧ. Тадзи вӧчас Господь Саваоф, ӧд Сійӧ – вежӧгтысь Ен.

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

Восьтӧм 2:16

Бергӧдчы таысь! Он кӧ бергӧдчы, регыд локта тэ дінӧ да тышкася накӧд Менам вомысь петысь шыпуртӧн.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Титлы 3:2

Мед оз омӧльтны некодӧс, зыкӧ оз пырны, лоасны шаньӧсь да быдӧнкӧд рамӧсь.

Исай 32:1

Со, ӧксы кутас юравны веськыдлуныс серти, юралысьяс кутасны веськӧдлыны Индӧдыс серти.

Исай 29:19

Коньӧръяс кутасны ёнджыка на нимкодясьны Господьӧн, гӧльяс кутасны кыпыда ошкыны Израильлысь вежа Енмӧс

Исай 16:5

Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.

Восьтӧм 19:11

Енэжыс воссис менам син водзын, и сэтысь ме аддзи еджыд вӧлӧс да сы вылын Пукалысьӧс. Сылӧн нимыс – Эскана да Збыль, Сійӧ тышкасьӧ да мыждӧ веськыда.

2 Коринфӧ 10:1

Ӧткымынӧн ме йылысь шуӧны, мый ме, Павел, на дінын рам, а кор ылын наысь, сэки ме чорыд накӧд. Но ме шыася тіян дінӧ Кристос бурлунӧн да мелілунӧн.

Ап. уджъяс 9:1

Савл скӧрысла пыр на пуис Господьлӧн велӧдчысьяс вылӧ, зілис бырӧдны найӧс. Сійӧ локтіс аркирей дінӧ

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Софоний 2:3

Корсьӧй Господьӧс, мувывса рам сьӧлӧмаяс, Сылӧн Индӧд серти олысьяс. Корсьӧй веськыдлунсӧ, корсьӧй рамлунсӧ, сэки, гашкӧ, ті верманныд дзебсьыны Господьлӧн скӧралан лунӧ.

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Исай 3:14

Господь кутас мыждыны Аслас войтырлысь юрнуӧдысьясӧс да веськӧдлысьясӧс: – Ті куштінныд виноград йӧр, гӧльяслысь мырддялӧм эмбурнас тыртінныд керкаяснытӧ.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Псалтыр 110:2

Господьлӧн уджъясыс ыджыдӧсь, Сылысь уджъяссӧ радейтысьяс кӧсйӧны тӧдны найӧс.

Псалтыр 18:8

Господьлӧн Индӧдыс тырвыйӧ бур, ёнмӧдӧ ловтӧ. Господьлӧн туйдӧдӧмыс эскӧдана, вежӧрсьӧдӧ мывкыдтӧмӧс.

Ӧксыяслӧн 2 небӧг 8:15

Давид ӧксыаліс став Израиль муын. Ассьыс войтырсӧ мыждігӧн сійӧ быдӧнкӧд вӧлі веськыд.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Исай 14:30

Сэки Израиль войтырысь гӧльяссӧ лоӧ пӧткӧдӧма, коньӧръясыс кутасны повтӧг шойччыны. А тэнсьыд вужтӧ Ме тшыглы виа, тэнсьыд коляс войтыртӧ бырӧда.

Исай 26:6

Ӧні сійӧс талялӧны кокнаныс, гӧльяс ветлӧны сы вывті, коньӧръяс тувччалӧны сэті.

Исай 30:28

Сылӧн ловшыыс ойдӧм ва кодь, мый кыпӧдчӧ голя помӧдз. Господь кутас пожнавны войтыръясӧс, медым бырӧдны найӧс, Сійӧ кӧртвомалас найӧс, медым бокӧ кежӧдны найӧс туй вылысь.

Исай 30:31

Господьлӧн гӧлӧс шыысь пондас тіравны Ассур, Господь кутас нӧйтны сійӧс беддьӧн.

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 40:7

Господьлӧн пӧльыштӧмысь турун косьмӧ, дзоридз нярмӧ. Збыльысь, йӧзыс турун кодьӧсь.

Исай 49:2

Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ.

Иов 15:30

Пемыдсьыс сійӧ оз вермы пышйыны, сылысь выль вожъяссӧ би чишкалас, Енлӧн пӧльыштӧмыс сійӧс нӧбӧдас.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Осий 6:5

Та вӧсна Ме нӧйтлі тіянӧс пророкъяс пыр, Аслам кывъясӧн виавлі тіянӧс. Менам веськыда мыждӧмӧй югдӧдысь югӧр кодь.