Исай 11:14 - Коми Библия 2023

¹⁴ Рытыввылын найӧ уськӧдчасны филистимсаяс вылӧ, асыввывса олысьяслысь куштасны озырлунсӧ. Эдом да Моав лоӧны налӧн кипод улынӧсь, аммон войтыр сетчас налы.

Исай 11:14 Referans Kwoze

Йоиль 3:19

Иуда войтырӧс виалӧм-дзескӧдӧм понда, налӧн муын мыжтӧм вир кисьтӧм понда Египет му лоӧ кушинӧн, Эдом – овтӧминӧн.

Даниил 11:41

Сэсся сійӧ петас тышӧ мича мулы паныд, и унаӧн куласны. Сылӧн киысь мездмасны сӧмын Эдомын да Моавын олысьяс, тшӧтш унаӧн аммон войтыр пӧвстысь.

Еремей 49:28

Кедарлӧн рӧд йылысь да хацорса войтыръяс йылысь, кодъясӧс пасьвартіс вавилонса Навукодоносор ӧксы, Господь тадзи висьталӧ: – Чеччӧй, тышӧ петӧй Кедарлы паныд, бырӧдӧй асыввывса олысьясӧс.

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Амос 9:12

Сэки Израиль кутас ыджыдавны Эдомлӧн коляс войтырыс вылын да став войтыръяс вылын, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Матвей 8:11

Висьтала тіянлы: унаӧн локтасны асыввылысь да рытыввылысь Енэжвыв Юраланінӧ. Найӧ ӧти пызан сайӧ пуксясны Ӧвраамкӧд, Исааккӧд да Яковкӧд.

Софоний 2:5

Курыд шог саридздор муын олысьяслы, керетса войтырлы. Господь висьталӧ Ханаан му йылысь, шуӧ Филистим му йылысь: – Ме бырӧда тэнӧ, тэнад оз коль олысьыс.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 59:19

Рытыввылын пондасны повны Господьлӧн нимысь, асыввылын – Сылӧн дзирдлунысь. Вӧрӧг кӧ ыльӧбтас ю моз, Господьлӧн ловшыыс вӧтлас сійӧс.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 16:14

А ӧні Господь тадзи висьталӧ: «Куим во мысти – лыддьыны кӧ сідзи, кыдзи медалӧм морт лыддьӧ ассьыс уджалан вояссӧ – Моавлӧн нималӧмыс бергӧдчас яналӧмӧ. Тайӧ войтырыслӧн лыдыс вӧлі вывті уна, но найӧ колясны зэв этшаӧн».

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Исай 9:12

Асыввывсянь локтісны арамейяс, рытыввывсянь – филистимсаяс, найӧ жалиттӧг бырӧдісны Израиль войтырӧс. Но тайӧн Господьлӧн скӧралӧмыс эз на помась, Сылӧн киыс пыр на нюжӧдӧма, медым мыждыны.

Исай 14:29

– Эн нимкодясь, Филистим му, мый тэнӧ нӧйтан бедьсӧ чегъялӧма. Змей вужсянь петас аспид, сійӧ чужтас лэбалысь змейӧс.

Исай 15:1

Моав йылысь водзвыв висьталӧм. Войнас лоӧ куштӧма-бырӧдӧма Ар-Моавӧс. Войнас лоӧ куштӧма-бырӧдӧма Кир-Моавӧс.

Исай 63:1

– Коді тайӧ Эдомсянь локтысьыс, Восорасянь чим гӧрд паськӧма локтысьыс? Коді Сійӧ, мича паськӧмӧн вӧччӧмаыс, Аслас ыджыд вынӧн локтысьыс? – Тайӧ – Ме, веськыдлунсӧ Юӧртысь, вына Мездысь.

Еремей 40:11

Моав муын, аммон войтыр пӧвстын, Эдом муын да мукӧд муясын олысь иудаса йӧз кылісны, мый вавилонса ӧксы Иуда войтырысь кутшӧмкӧ юкӧн кольӧдӧма Иуда муӧ да наӧн веськӧдлыны пуктӧма Гедалийӧс, Шафан Ахикамлысь писӧ.

Еремей 48:40

Господь тадзи висьталӧ: – Кутш моз вӧрӧг уськӧдчас Моав вылӧ, шевкнитас бордъяссӧ сы весьтын.

Еремей 49:22

Кутш моз вӧрӧг уськӧдчас Восора кар вылӧ, шевкнитас бордъяссӧ сы весьтын. Сійӧ лунӧ эдомса тышкайӧзлӧн сьӧлӧмныс лоӧ кага чужтысь аньлӧн кодь.

Езекиль 25:14

Аслам Израиль войтыр отсӧгӧн Ме водзӧс перъя эдом войтырлысь. Найӧ вӧчасны эдом войтырлы Менам скӧрлун да ярлун серти. Сэки эдомсаяс тӧдмаласны Менсьым водзӧс перйӧмӧс, – висьталӧ Господь Ыджыдыс.

Аввакум 1:8

Сылӧн вӧвъясыс леопард дорысь тэрыбӧсь, тэрыбӧсь войся кӧинъясысь. Сылӧн вӧвъясыс кыккокйыв тӧвзьӧны, найӧ локтӧны ылісянь, лэбӧны кыйдӧс вылӧ уськӧдчысь кутш моз.

Софоний 2:9

Та вӧсна Ме кыв сетӧмӧн кӧсйыся Аслам олӧмӧн, – висьталӧ Господь Саваоф, Израильлӧн Ен, – Моав лоӧ Содом кодь, аммон войтыр лоӧ Гомора кодь, налӧн муясыс тырасны ёг турунӧн, лоӧны сола гуӧн, пыр кежлӧ лоӧны овтӧминӧн. Менам коляс войтырӧй куштас найӧс, Менам войтырысь ловйӧн кольӧмаяс босьтасны налысь мусӧ.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Софоний 2:7

Сійӧ муыс вичмас Иуда чужанкотырлӧн коляслы, сэні найӧ пондасны видзны ыж-мӧснысӧ, войнас найӧ пондасны узьны-шойччыны аскалонса керкаясын. Ӧд Господь Ен кутас тӧждысьны на вӧсна, Сійӧ бара сетас налы бур олӧм.