Исай 10:14 - Коми Библия 2023

¹⁴ Ме озырмӧдчи войтыръяслӧн озырлунӧн, быттьӧ лэбач поз пазӧді. Кыдзи эновтӧм позйысь чукӧртӧны лэбачлысь колькъяссӧ, тадзи ме курышті аслам кипод улӧ ставнас мусӧ. Весиг борднас некод эз шеныштлы, вомсӧ эз восьтлы да эз чипӧстлы».

Исай 10:14 Referans Kwoze

Иов 31:25

Ме ӧмӧй нимкодясьлі, мый менам уна озырлун, мый сы мындасӧ ме аслам киӧн шедӧді?

Наум 2:9

Куштӧй сылысь эзысь-зарнисӧ! Сылӧн озырлуныс лыдтӧм-тшӧттӧм, весиг лыддьынысӧ он вермы.

Авдий 1:4

Но тэ кӧ кутш моз лэбзян выліинӧ, овмӧдчан-поздысян кодзувъяс пӧвстӧ, весиг сэтысь Ме шыбита тэнӧ, – висьталӧ Господь.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Исай 5:8

Курыд шог налы, кодъяс ньӧбалӧны керка бӧрся керка, му бӧрся му, быттьӧ му вылас сӧмын найӧ олӧны, мукӧдыслы весиг оланін оз коль.

Шусьӧгъяс 18:12

Озырлы аслас эмбурыс изкар кодь, озырлуныс сылы джуджыд потшӧс кодь.

Исай 14:6

Тайӧ бедьнас найӧ лёкысь нӧйтісны войтыръясӧс, дугдывтӧг вачкалісны найӧс, скӧрлунӧн ыджыдалісны на вылын, нем жалиттӧг дзескӧдісны найӧс.

Езекиль 35:13

Ті вылӧ кыпӧдінныд асьнытӧ Ме водзын, ышнясьӧмӧн сёрнитінныд Меным паныд. Ме ставсӧ тайӧс кывлі.

2 Каднебӧг 32:13

Но ті ӧмӧй онӧ тӧдӧй, мый вӧчи ме, и мый вӧчисны менам батьяс мувывса войтыръяскӧд? Мукӧд войтыръяслӧн енъяс ӧмӧй вермисны мездыны налысь мусӧ менам кипод улысь?

Исай 37:25

Ме кодйи юкмӧсъяс да юи сэтысь васӧ, ме восьлалі египетса юясӧд, и найӧ косьмисны”.