Исай 10:1 - Коми Библия 2023

¹ Курыд шог налы, кодъяс лӧсьӧдӧны лёк индӧдъяс, гижӧны чорыд тшӧктӧмъяс,

Исай 10:1 Referans Kwoze

Лука 11:52

Курыд шог тіянлы, Индӧдӧ велӧдысьяс! Ті босьтінныд тӧдӧмлуныслысь восьтансӧ. Асьныд энӧ пырӧй и пырны кӧсйысьяслы потшинныд туйсӧ».

Матвей 23:23

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті сетанныд исань турунысь, укропысь да тминысь дасӧд юкӧнсӧ. А Индӧдысь коланаджыкторсӧ эновтінныд: веськыда мыждӧмсӧ, буралӧмсӧ да эскӧмсӧ. Тайӧс колӧ вӧчны да мукӧдторсӧ оз ков вунӧдны.

Иоан 19:6

Исусӧс аддзигӧн аркирейяс да крам видзысьяс горӧдісны: «Тувъяв! Тувъяв Сійӧс!» Пилат шуис налы: «Ті асьныд босьтӧй да тувъялӧй Сійӧс. Ме некутшӧм мыж Сылысь ог аддзы».

Иоан 9:22

Бать-мамыс шуисны тадзи, ӧд найӧ полісны иудейяслӧн веськӧдлысьясысь. Веськӧдлысьяс сёрнитчӧмаӧсь, мый быдӧнӧс, коді Исусӧс пуктӧ Кристос туйӧ, вӧтласны синагогаысь.

Аввакум 2:6

Но ставныс найӧ лэптасны сійӧс серамвыв, лӧсьӧдласны сы йылысь омӧльтана сьыланкывъяс: – Курыд шог сылы, коді горшсӧ паськӧдӧ йӧз эмбур вылӧ, коді озырмӧдчӧ водзӧс сетӧмӧн. Тадзи оз дыр ло!

Исай 5:8

Курыд шог налы, кодъяс ньӧбалӧны керка бӧрся керка, му бӧрся му, быттьӧ му вылас сӧмын найӧ олӧны, мукӧдыслы весиг оланін оз коль.

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Матвей 26:24

Морт Пи мунӧ, кыдзи гижӧма Сы йылысь. Но курыд шог Сійӧс вузалысьлы! Бурджык сылы вӧлі, эз кӧ чужлы».

Матвей 23:29

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті сувтӧданныд пророкъяс дзебанінӧ казьтылан изъяс да мичмӧданныд веськыда олысьяслысь дзебанінъяссӧ.

Матвей 23:27

Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті еджыдӧн мавтӧм гортъяс кодьӧсь. Ортсысяньыс сійӧ мича, а пытшкӧсас тырыс шой лы да быд пежыс.

Аввакум 2:12

– Курыд шог сылы, коді вир кисьтӧмӧн лэптӧ кар, ылӧг помысь кыпӧдӧ изкарсӧ.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Матвей 11:21

«Курыд шог тэныд, Коразин кар! Курыд шог тэныд, Випсаида кар! Тир да Сидон каръясын кӧ аддзылісны тіянын кодь вӧчӧм шензьӧданаторъяссӧ, сэки эськӧ сэтчӧс олысьясыс важӧн нин бергӧдчисны мыжъяссьыныс, шогалан паськӧм пасьталісны да юрнысӧ пӧимӧн коялісны.

Аввакум 2:19

Курыд шог сылы, коді пуысь вӧчӧмторлы шуӧ: «Садьмы!» и сёрниттӧм излы: «Чеччы!» Вермасны-ӧ найӧ мыйӧкӧ велӧдны? Найӧс эжӧма эзысь-зарниӧн, но на пытшкын ловшыыс абу.

Аввакум 2:15

– Курыд шог сылы, коді юкталӧ матыссасӧ скӧрлунӧн, юкталӧ коддзытӧдзыс, медым аддзыны сійӧс пасьтӧгыс.

Еремей 22:13

– Курыд шог сылы, коді лэптӧ ассьыс керкасӧ ылӧг отсӧгӧн, оз лэпты ассьыс жыръяссӧ веськыдлун отсӧгӧн, коді уджӧдӧ матыссасӧ, а удждон оз мынты.

Исай 5:18

Курыд шог налы, кодъяс ылӧг кӧвъясӧн кыскӧны асланьныс лёксӧ, кыз гезйӧн кыскӧны ас бӧрсяньыс мыжсӧ.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Псалтыр 58:2

Енмӧй, мезды менӧ мустӧмтысьясысь, дорйы менӧ паныд кыпӧдчысьясысь,

Исай 5:11

Курыд шог налы, кодъяс водз асывсянь корсьысьӧны сур юны да сёр рытӧдз чӧсмӧдлӧны асьнысӧ винаӧн!

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Исай 3:14

Господь кутас мыждыны Аслас войтырлысь юрнуӧдысьясӧс да веськӧдлысьясӧс: – Ті куштінныд виноград йӧр, гӧльяслысь мырддялӧм эмбурнас тыртінныд керкаяснытӧ.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Исай 29:21

ӧд найӧ шуӧны мыжтӧмӧс мыжаӧн, карса мыжданінын пӧрйӧдлӧны ёрдысьӧс, ӧтдортӧны збыльсӧ висьталысьӧс.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Исай 59:13

Ми кыпӧдчим Господьлы паныд, пӧрйӧдлім Сійӧс, бергӧдчим асланым Енмысь, ми суклясим-асныралім, новлӧдлім сьӧлӧманым ылӧгсӧ да висьтавлім сійӧс.

Петӧм 23:3

Гӧль мортӧс ёрд водзын подулавтӧг эн дорйы.

Петӧм 23:6

Гӧль мортлысь вензьӧмсӧ видлалігӧн ло веськыд ёрдысьӧн.

Амос 2:7

Гӧль йӧзӧс найӧ талялӧны кок уланыс, коньӧръяслы туйсӧ тупкӧны. Батьыс да пиыс ӧти ань дінӧ ветлӧны – тадзи янӧдӧны Менсьым вежа нимӧс.