Исай 1:8 - Коми Библия 2023

⁸ Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.

Исай 1:8 Referans Kwoze

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Иоан 12:15

– Эн пов, Сион ныв! Видзӧд, Ӧксыыд локтӧ, пукалӧ осёл чань вылын.

Закар 2:10

Нимкодясь да гажӧдчы, Сион ныв! Ме локта да овмӧдча тэ ордӧ, – висьталӧ Господь.

Исай 62:11

Со, Господь юӧртӧ му помӧдзыс: – Висьталӧй Сион нывлы: видзӧд, локтӧ тэнад Мездысьыд, Сыкӧд ставныс, кодъясӧс Сійӧ шедӧдіс, Сылӧн син водзын ставныс, кодъясӧс Сійӧ Аслыс босьтіс.

Исай 10:32

Ассурса тышкайӧз талун нин воӧдчасны Нов кар дорӧ, кинысӧ кыпӧдӧмӧн найӧ пондасны ыршасьны Сион керӧслы паныд, ерусалимса вывтасінлы паныд.

Бӧрданкыв 2:6

Сад йӧрысь чомйӧс моз Сійӧ кисьтіс Ассьыс оланінсӧ, бырӧдіс войтырыслысь вежа чукӧртчанінсӧ. Господь лэдзис вунӧдны Сионын гажӧдчан лунъяс да шойччан лунъяс, ёна скӧралігас янӧдіс ӧксыӧс да попъясӧс.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Исай 37:22

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Исай 4:4

Господь мыськалас сионса аньясӧс став пежсьыс, весалас Ерусалимӧс вирсьыс веськыда мыждысь ловнас, биӧн сотысь ловнас.

Псалтыр 9:14

Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.

Иов 27:18

Керкаыс, мый сійӧ лэптӧ, ӧдйӧ киссяс, сылӧн керкаыс видз-му бӧрся видзӧдысьлӧн чом кодь.

Еремей 4:17

Воӧм нянь видзысьяс моз найӧ кытшалісны Ерусалим кар, ӧд сэні олысьяс кыпӧдчисны Меным паныд, – висьталӧ Господь. –

Исай 8:8

визувтас став Иуда му пасьтала да ойдӧдас сійӧс ставнас, и ваыс лоӧ голявыйӧдз. Сійӧ паськӧдас ассьыс бордъяссӧ став Тэнад му пасьтала, Эммануил.

Исай 1:7

Тіянлысь мунытӧ куштӧма, каръяснытӧ сотӧма биӧн. Йӧз муысь локтысьяс тіян син водзын куштӧны тіянлысь пуктас-быдтаснытӧ. Гӧгӧр эндӧма, йӧз муысь локтысьяс ставсӧ бырӧдӧмаӧсь.

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Исай 49:21

Тэ чуйман: «Коді меным чужтіс найӧс? Менам эз вӧвны челядьӧй, ме вӧлі нӧбасьны вермытӧмӧн, ме вӧлі пленын, чужан муысь ылын. Коді нӧ быдтіс найӧс? Ме вӧлі ӧтка – кытысь нӧ лоины найӧ?»

Еремей 6:2

Ме бырӧда Сион нылӧс, мича да ляб карӧс.

Исай 29:3

Быд боксянь Ме кытшала тэнӧ, сувтӧда башняяс тэ гӧгӧр да уськӧдча тэ вылӧ.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Исай 37:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».