Исай 1:30 - Коми Библия 2023

³⁰ Ӧд ті асьныд лоанныд кортӧм пу кодьӧсь, косьмӧм рас кодьӧсь.

Исай 1:30 Referans Kwoze

Матвей 21:19

Туй дорсьыс Сійӧ аддзис инжир пу. Матыстчис да аддзис сы вылысь сӧмын коръяссӧ. Исус шуис пуыслы: «Пыр кежлӧ вотӧстӧг колян». Инжир пуыс пырысь-пыр косьмис.

Езекиль 17:24

Сэки вӧрса став пуыс тӧдмалас, мый Ме – Господь. Джуджыд пуяссӧ вӧча ляпкыдӧн, а ляпкыд пуяссӧ вӧча джуджыдӧн. Ме кӧ кӧсъя, веж пу косьмӧ, а кос пу вежӧдӧ. Тайӧс висьтала Ме, Господь. Мый шуи, вӧча».

Еремей 31:12

Найӧ локтасны, кутасны долыда сьывны Сион керӧс вылын, кутасны нимкодясьны, ӧд Господь сетіс налы бур козинъяс: шобді, вина да вый, ыжъясӧс да ӧшъясӧс. Налӧн олӧмыс лоас ваӧн киськалӧм сад кодь, найӧ оз нин вынтӧммыны.

Исай 58:11

Господь пыр кутас нуӧдны тэнӧ. Кос кадӧ Сійӧ пӧткӧдас тэнӧ, ёнмӧдас тэнсьыд вир-яйтӧ. Тэ лоан киськалӧм сад йӧр кодь, пыр визувтысь ва петанін кодь.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Олӧм 12:6

Ӧврам кытшовтіс тайӧ мусӧ да матыстчис Сикемлань. Сійӧ сувтіс Морэ нима тупу дорӧ. Сэки тайӧ муас оліс ханаан войтыр.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Исай 64:5

Тэ бур сьӧлӧмӧн воча петан сылы, коді нимкодьпырысь веськыда вӧчӧ, коді восьлалӧ Тэнад туйӧд да казьтывлӧ Тэ йылысь. Но Тэ скӧрмин миян вылӧ, ӧд ми важысянь нин мыжсӧ вӧчам. Сідзкӧ, мездмам-ӧ ми?