Иов 9:4 - Коми Библия 2023

⁴ Енмыс – ыджыд мывкыдлуна, вынасьыс-вына, Сылы паныд кыпӧдчӧмысь мортлы бурыс оз ло.

Иов 9:4 Referans Kwoze

Иов 36:5

Енмыс некодӧс оз увтырт, Сійӧ мывкыд да ыджыд вына.

Ефесӧ 3:20

Ошкӧм Енлы! Аслас вынӧн Сійӧ уджалӧ миян пытшкын да вӧчӧ ёна унджык миян корӧм да мӧвпалӧм дорысь.

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Иов 9:19

Вермасьны кӧ Сыкӧд – Сійӧ медвынаыс, сувта кӧ ёрд водзӧ, коді Сійӧс вайӧдас сэтчӧ?

Ефесӧ 1:19

да кутшӧм ыджыд Сылӧн вермана выныс, коді уджалӧ миян пытшкын, Сылы эскысьясын! Тайӧ жӧ вынсӧ

Ефесӧ 1:8

Енмыс лышкыда козьналіс миянлы мывкыдлунсӧ да гӧгӧрвоӧмлунсӧ.

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.

Римӧ 11:33

Енлӧн озырлуныс пыдӧстӧм, Сылӧн мывкыдлуныс да тӧдӧмлуныс шымыртны вермытӧм. Сылӧн мыждана кывъясыс вежӧрӧ тӧрӧдтӧмӧсь, Сылысь туйяссӧ он вермы туявны!

Даниил 2:20

Сійӧ шуаліс: – Мед лоӧ ошкӧма Енлысь нимсӧ нэмъяс чӧж, ӧд Сылӧн эм мывкыдлуныс да выныс.

Шусьӧгъяс 28:14

Енмысь полысь – майбыр, сьӧлӧмсӧ чорзьӧдысь лёкас веськалӧ.

Псалтыр 136:5

Ерусалим, ме кӧ вунӧда тэнӧ, менам веськыд киӧй мед вынтӧммас.

Псалтыр 104:24

Сэні Господь рӧдмӧдіс Ассьыс войтырсӧ, вӧчис вӧрӧг дорысь вынаджыкӧн.

Иов 40:9

сэки Ме ошка тэнӧ, ӧд тэ верман мездыны ачыд асьтӧ.

Иов 12:13

Енлӧн эм мывкыдлуныс да выныс, эм тӧдӧмлуныс да вежӧрыс.

Иов 11:6

восьтас тэныд мывкыдлуныслысь гусяторъяссӧ, сэки эськӧ тэныд кык пӧв унджык ковмас нуны сьӧкыдсӧ. Тӧд, мый тэнсьыд уна мыж Енмыс вунӧдіс.

Иов 6:10

Тайӧ эськӧ вӧлі меным бурӧдӧмӧн, верми эськӧ нимкодясьны дойяс дырйи, ӧд ме эг ӧтдорт вежа Енлысь шуӧмсӧ.

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

Иов 23:6

Ыджыд вына Енмыс ӧмӧй кутас вензьыны мекӧд? Оз! Но кутас кывзыны менӧ.

Иов 24:22

Аслас вынӧн Енмыс вештӧ вынаясӧс, найӧ оз тӧдны, колясны-ӧ ловйӧн, кор Енмыс сувтас.

Иов 25:2

– Ен киын юралӧмыс да повзьӧдлӧмыс, медвыліас Сійӧ лӧсьӧдӧма лӧньлун.

Иов 28:23

Сӧмын Енмыс тӧдӧ мывкыдлун дорӧ туйсӧ, тӧдӧ сылысь оланінсӧ.

Иов 37:23

Ми огӧ вермӧй шымыртны Ставсӧвермысьӧс, Сійӧ ён вына, веськыда мыждӧ, Сылӧн эм веськыдлун, Сійӧ некодӧс оз увтырт.

Иов 38:36

Коді петуклы сетіс гӧгӧрвоӧмлунсӧ, ибислы – мывкыдлунсӧ?

Иов 38:37

Коді аслас мывкыдлунӧн вермас артавны кымӧръяс? Коді доровтас енэжвывса ва дозъяс,

Еремей 50:24

Ме пукті тэныд нальк, Вавилон, и тэ тӧдлытӧг шедін сэтчӧ. Тэнӧ аддзисны да кутісны, ӧд тэ кыпӧдчин Господьлы паныд.

Петӧм 9:7

Фараон тшӧктіс тӧдмавны, збыльысь-ӧ Израиль войтырлӧн весиг ӧти пемӧс эз кув. Тайӧс тӧдмалӧм бӧрын фараон чорзьӧдіс сьӧлӧмсӧ да эз лэдз Израиль войтырӧс.

Петӧм 15:7

Паныд кыпӧдчысьясӧс Тэ уськӧдін шензьӧдана выннад, скӧрлуныд ӧзйис да идзасӧс моз найӧс сотіс.

2 Каднебӧг 20:6

Иосафат кевмысис: «Господьӧй, миян батьяслӧн Енмӧй! Тэ – енэжъяс вылын олысь Ен, Тэ веськӧдлан став войтыръясӧн. Тэнад киын выныс да ыджыдалӧмыс, некод оз вермы водзсасьны Тэкӧд.

Иов 15:13

Мыйла тэнад лолыд пыксьӧ Енмыслы, мыйла тэнад вомысь петӧны татшӧм кывъясыс?

Иов 41:2

Весиг збой морт оз кут скӧрмӧдны сійӧс. Сідзкӧ, коді нӧ вермас сулавны Менам чужӧмбан водзын?

Исай 45:9

Курыд шог сылы, коді вензьӧ аслас Вӧчыськӧд, сылы, коді сӧмын жугалӧм гырничтор кодь. Сёйыс ӧмӧй шуас гырнич вӧчысьыслы: «Мый тэ верман вӧчны?» Тэнад киӧн вӧчӧмторйыд ӧмӧй шуас, тэ пӧ сямтӧм?

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.