Иов 7:11 - Коми Библия 2023

¹¹ Ӧні ме ог кут чӧв овны. Ме кута сёрнитны, ӧд дзескыд менам ловлы, кута норасьны, ӧд курыд шог меным.

Иов 7:11 Referans Kwoze

Псалтыр 40:9

Найӧ шуалӧны: «Кулӧмыслӧн выныс уськӧдіс сійӧс кок йывсьыс, сійӧ оз нин вермы чеччынысӧ».

Иов 10:1

Меным зывӧк аслам олӧмӧй, норасьӧмӧс ас пытшкам ог кут, ме кута сёрнитны, ӧд дзескыд менам ловлы.

Ӧксыяслӧн 1 небӧг 1:10

Анналӧн сэтшӧма шогсис сьӧлӧмыс, мый сійӧ кыз синваӧн бӧрдіс-кевмысис Господьлы.

Исай 38:17

Курыд шогыс бергӧдчис меным бур вылӧ, Тэ мездін менӧ кулӧмысь, став менсьым мыжъясӧс Тэ шыбитін Аслад мышку сайӧ.

Исай 38:15

Мый меным шунысӧ? Господь мый шуис меным, сійӧс и вӧчис. Курыда шогсьӧмӧн ме колляла ассьым олан воясӧс.

Иов 21:25

А мӧд кулӧ курыда шогалӧмӧн, бурсӧ тӧдлытӧг.

2 Коринфӧ 2:4

Воддза гижӧдсӧ ме гижи тіянлы ёна шогсьӧмӧн, сьӧлӧм дойӧн да кыз синваӧн. Ме гижи сійӧс эг тіянӧс шогӧдӧм понда, но медым ті гӧгӧрвоинныд, кутшӧм ті мусаӧсь меным.

Лука 22:44

Шогыскӧд вермасигӧн Исус ёнджыка на кевмысис. Сылӧн пӧсьыс вирӧн войталіс муӧ.

Иов 16:6

Сёрнитӧмысь менам дойӧй оз ланьт, дугда кӧ, весиг сэки оз вешйы ме дінысь.

Иов 13:13

Ӧні ті чӧв олӧй, а ме кута сёрнитны, сэсся кӧть мый лоӧ.

Иов 10:15

Ме кӧ мыжа – курыд шог меным! А мыжтӧм кӧ, весиг сэки ог лысьт юрӧс лэптыны, ме пӧтӧма яналӧмнас, кок йылысь усьмӧн менӧ юкталӧма шогнас.

Иов 6:26

Ті лӧсьӧдланныд, медым мыжавны, а сьӧкыдалысьлӧн кывъясыс тіянлы тӧвру кодьӧсь.

Олӧм 42:21

«Збыльысь, вокнымлы лёк вӧчӧмысь ми мыжаӧсь! – сёрнитісны найӧ. – Ми ӧд аддзылім сылысь сьӧкыдалӧмсӧ да кылім сылысь корӧмсӧ, но эгӧ лэдзӧй сійӧс. Сійӧн и суис миянӧс тайӧ сьӧкыдлуныс».

Псалтыр 39:3

Сійӧ лэптіс менӧ пемыд гуысь, петкӧдіс менӧ зыбуч нюрысь, сувтӧдіс менӧ зумыд из вылӧ, ёнмӧдіс менсьым воськовъясӧс,

Иов 9:27

Ме верма шуны, мый дугда няргыны, вунӧда ассьым шогӧс да понда нюмъявны,

Иов 23:2

– Менам норасьӧмӧй и талун курыд, сьӧкыдалӧмӧй ойзӧм дорысь ыджыд.

Иов 36:21

Видзчысь лёкас сетчӧмысь, сьӧкыдалӧм пыдди эн бӧрйы лёксӧ.