20 Тшыгъялігад мездас тэнӧ кулӧмысь, тышын – шыпуртысь.
Господь матын шогсьысь сьӧлӧмаяс дінӧ, ловнас усьӧмаясӧс Сійӧ мездӧ.
Мезда-ӧ Ме сійӧс кулӧмыслӧн кабыр улысь, ньӧба-ӧ сійӧс кулӧмыслысь? Кулӧм, кӧні тэнад чушканыд? Кулӧм, кӧні тэнад вермӧмыд? Жалитӧмыс Менам оз ло.
Веськыда олысьлы Господь оз сет тшыгъявны, лёк вӧчысьлысь кӧсйӧмсӧ Сійӧ оз збыльмӧд.
Ме висьтася аслам мыж вӧчӧмысь, шогся мыжӧй вӧсна.
Кырнышъяс быд асыв да рыт вайлісны Иллялы нянь да яй, а васӧ сійӧ юис шорсьыс.
Енмыс мӧдӧдіс менӧ татчӧ тіянысь водзджык, медым кольны рӧднытӧ му вылас, видзны олӧмнытӧ да мездыны тіянӧс.
Весиг кӧ инжир оз понды дзоридзавны, виноград оз сет вотӧссӧ, олив оз гӧрддзась, кӧдзӧм му вылын оз во нянь, гидын оз ло ыж-мӧс,
Господьӧй, став Тэнад вӧчӧмторйыд мед аттьӧалас Тэнӧ, Тэнад эскана войтырыд мед ошкас Тэнӧ.
Эн бырӧд менӧ Ентӧг олысьяс да лёк вӧчысьяс лыдын. Йӧзыскӧд найӧ бурнога сёрнитӧны, а сьӧлӧманыс новлӧдлӧны лёксӧ.
Кор ті кыланныд тышъяс йылысь юӧр, кор кыланныд лыйсьӧм шы, энӧ полӧй. Тайӧ ставыслы колӧ лонысӧ, но тайӧ абу на пом.
Татшӧм мортыс пондас овны выліинын, сылӧн сайӧдчанінӧн лоӧ керӧсвывса изкар. Сылӧн няньыс пыр лоӧ, и ваыс сылӧн оз бырлы.
– Кывзӧй, Менам войтырӧй, ӧні Ме кута сёрнитны. Израиль, Ме кута сёрнитны тэныд паныд. Ме – Ен, тэнад Енмыд.
Седекей ӧксылӧн тшӧктӧм серти Еремейӧс йӧртісны ӧксы керка видзысьяслӧн йӧрӧ. Нянь пӧжалысьяслӧн улич вылысь ӧтчыдысь луннас вайлісны сылы ӧти кӧрыш нянь, кытчӧдз карас эз помась няньыс. Тадзи Еремей колис ӧксы керка видзысьяслӧн йӧрӧ.
Восьт менсьым синмӧс, медым ме аддзи, кутшӧм шензьӧдана Тэнад Индӧдыд.
Ме мезда тэнӧ. Тэ он кув шыпуртысь, но видзан ассьыд олӧмтӧ, ӧд Ме вылӧ тэ лача кутан, – висьталӧ Господь».
