Иов 42:12 - Коми Библия 2023

¹² Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Иов 42:12 Referans Kwoze

Иов 8:7

Водзынсӧ кӧ тэнад вӧлі этша, бӧрыннас тэнад лоӧ вывті уна.

Еклесиаст 7:8

Помалӧмыд бурджык заводитӧм дорысь, терпитӧмыд бурджык вылӧ кыпӧдчӧмысь.

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Олӧм 24:35

Господь ёна бурсиис менсьым ыджыдӧс да сетіс сылы уна озырлун: ыжъясӧс да мӧсъясӧс, эзысь да зарни, кесйӧг айуловӧс да аньясӧс, верблюдъясӧс да осёлъясӧс.

Иов 1:3

Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Яков 5:11

Ми лыддям шудаӧн найӧс, кодъяс зумыда сулалісны помӧдз. Ті, дерт, кывлінныд Иовлӧн зумыдлун йылысь да тӧданныд, мый дасьтіс сылы мелі да бур сьӧлӧма Господь.

Иов 1:10

Тэ ӧд быд боксянь кытшалӧмыд сійӧс, сылысь гортсасӧ да став овмӧссӧ. Тэ бурсиан сылысь быд удж, сылӧн ыж-мӧскыс рӧдмӧ-содӧ.

Езекиль 36:11

Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Олӧм 32:14

кыксё кӧзаӧс, кызь ай кӧзаӧс, кыксё ыжӧс, кызь межӧс,

Иов 1:2

Сылӧн вӧлі сизим пи да куим ныв.