Иов 4:5 - Коми Библия 2023

⁵ А ӧні тэнӧ суис сьӧкыдыс, и тэ нюкыртчин, шогыс инмӧдчис тэӧ, и тэ ловнад усин.

Иов 4:5 Referans Kwoze

Иов 19:21

Ёртъясӧй, жалитыштӧй менӧ, ӧд Енлӧн киыс инмӧдчис ме дінӧ.

Еврейяслы 12:5

Ті дзикӧдз вунӧдӧмныд ышӧдӧмсӧ, мый ныв-пилы моз шуӧма тіянлы: – Пиӧй, эн увтырт Господьлысь чирыштӧмсӧ, Сылӧн ӧлӧдӧмысь ловнад эн усь.

Еврейяслы 12:3

Сідзкӧ, мӧвпалӧй Сы йылысь, коді нуис сы мында лёкӧдӧм мыжа йӧзсянь, медым ті энӧ жебмӧй да ловнаныд энӧ усьӧй.

2 Коринфӧ 4:16

Та вӧсна ми огӧ ӧшӧдӧй юрнымӧс. Кӧть миян ортсысаыс, вир-яйным, сісьмӧ, но пытшкӧссаыс лунысь-лун выльмӧ.

2 Коринфӧ 4:1

Аслас буралӧмыс кузя Енмыс сетіс миянлы тайӧ кесъялӧмсӧ, та вӧсна ми огӧ ӧшӧдӧй юрнымӧс.

Шусьӧгъяс 24:10

Сьӧкыд кадӧ кӧ лолыд нюкыртчӧ, сідзкӧ, выныд тэнад этша.

Иов 6:14

Мортыс кӧ полӧ Ставсӧвермысь Енмысь, сійӧ оз эновт сьӧкыдалысь ёртсӧ.

Иов 2:5

Сӧмын нюжӧд китӧ да инмӧдчыв сылӧн лыӧ да вир-яйӧ, сэки сійӧ омӧльтас Тэнӧ».

Иов 1:11

Но Тэ кӧ нюжӧдан китӧ да босьтан ставсӧ, мый сылӧн эм, сійӧ омӧльтас Тэнӧ».

Иов 4:4

тэнад кывйыд усьӧмаӧс кыпӧдліс, лигышмунӧмаӧс тэ вынсьӧдлін.

Псалтыр 30:8

Кута нимкодясьны да гажӧдчыны Тэнад буралӧмысь, ӧд Тэ аддзин менсьым сьӧкыдалӧмӧс, аддзин менам ловлысь шогсьӧмсӧ.